2013年5月31日星期五

無花果粗粒小麥麵包 Dried Fig Semolina Bread

原本諗住跟大師 Grégoire Michaud Artisan Bread” semolina bread,因為係食譜內少有唔使用佢特製嘅麵種嚟整嘅麵包,但係見到食譜寫住要 3 次發酵,每次都要成粒鐘,都有少少擔心會唔成功,細望材料,原來無落到糖,唔怪得之要發酵咁耐啦!

上次整粗粒小麥麵包多士
雖然唔叫得做失敗,但都唔算係成功,所以都係唔想博喇,費事又 Ernest 媽咪送俾我包 semolina 麵粉,都係自己改一改少少食譜,加番啲糖同老麵隱陣啲!









材料:
無花果 60
粗粒小麥粉
250
老麵
50
5
黃糖
10
即用酵母
3
150 毫升

橄欖油 10


- 無花果切成細粒,備用。



-
除無花果及油之外,將其餘材料倒入食處理器內混合,逐少加水搓至起筋。



-
之後加油,開機繼續搓成麵糰。



-
將麵糰拎出,放上已灑粉嘅枱面,繼續搓揉及摔打成光滑麵糰,然後包入無花果粒。



-
將麵糰滾圓,放入已灑粉嘅兜內,用保鮮紙封好,發酵 45 分鐘。


-
拎出麵糰排氣,再次滾圓,中間發酵約 30 分鐘。



-
麵糰再次排氣,平均分割成 4 份,做形後放上已鋪入爐防黏蓆嘅烤盤上。



-
待麵糰發酵至兩倍大,放入已預熱至 190 嘅焗爐內,焗約 25 分鐘。



-
開始焗後 10 分鐘時噴蒸氣。


- 出爐後立即移至架上攤凍。


以上材料份量可做 14 厘米長麵包 4 個。




semolina 整嘅麵糰真係超軟熟,連個麵糰都有少少瀉身。









麵包質地當然係同樣超軟熟啦,加埋無花果嘅香甜,超好食!






Notes
-
老麵製作方法,請參考《燕麥包》。

2013年5月30日星期四

芹香雜菌意大利燴飯


最近大家有冇睇到 Jamie Oliver 個電視節目 ”Jamie’s 30 Minutes Meals” 呀?佢話叫人唔好成日出街食垃圾食物,自己煮其實都可以好簡單、好快手,每一集都教大家 30 分鐘內煮到幾個菜式,包括湯、前菜、主菜同甜品。佢自己整就更係無乜難度啦,一來專業兼熟手,二來廚具齊備,應有盡有,各式煎 pan、煲、鑊都會有雙重,要煮另一樣嘢時都唔使洗煲洗鑊,拎另一隻出嚟用就攪掂,就連焗爐都有兩個,可以同時間焗兩樣嘢,又有 food processor 幫手,梗係掂啦!而且好多時啲食材又唔會洗,蒜頭又連衣放入夾內壓爛成蒜蓉,就算要洗的話,都只係放入筲箕沖一沖水就叫做洗咗,咁做法大部份人都得啦!但其實最嘥時間係之前嘅準備功夫同之後嘅清洗工作,呢啲先至係最嚇怕人唔願做囉!


 


坦白講,呢個節目叫得人唔好出街食垃圾食物,對象就自然唔會係一啲經常落廚嘅人啦,咁唔經常落廚嘅人,個廚房又點會有咁齊備嘅廚具呢,無咁齊備嘅廚具又點會慳到時間喎!!


 


不過,佢裡面所教煮嘅食物都係以健康為主,而且賣相都唔差,唔會話因為遷就時間就求求其其上碟算數,所以如果唔係計較一定要喺 30 分鐘內完成的話,其實每個食譜都唔差。上個星期我就參考咗佢其中一個 risotto 嘅煮法,味道都唔錯,不過我就將佢大部份材料都改頭換面囉!








材料:
西芹
洋蔥
新鮮雜菌
青椒
牛肝菌
新鮮迷迭香


蒜蓉
意大利米


 


調味料:
白酒
清雞湯

黑椒粉


 


- 西芹洗淨後切細件,部份切粒;洋蔥去衣後切細,部份切粒; 青椒、雜菌洗乾淨後切粒。



-
牛肝菌洗淨後用水浸軟,瀝乾備用,浸菌水留用。



-
將已切細嘅西芹、洋蔥、牛肝菌、迷迭香及蒜蓉放入攪拌機內打爛。



-
燒熱油,將西芹粒、洋蔥粒、青椒同雜菌爆香,盛起備用。



-
再燒熱油,將已打爛嘅材料落鑊爆炒,之後加入米兜炒,然後倒入白酒。



-
兜炒均勻後就將浸菌水及清雞湯加入,轉中慢火煮至水份略收乾,其間不斷攪拌。



-
當水份大至收乾時就逐少加水,攪拌,並加入已爆炒過嘅材料。



-
當飯煮至適當軟硬度時就可以加鹽及黑椒粉調味。



- 最後加少量初榨橄欖油,拌勻後熄火,冚蓋焗 2 分鐘即成。






之前煮泰式酸辣雜菜湯時買嗰包乾蔥頭都未用哂,所以無買到洋蔥;
牛乾菌用哂又唔記得買,用咗同樣咁香嘅姬松茸代替;屋企又
只係得乾嘅迷迭香,所以淨係得西芹係跟足佢咋!!










我自己煮嘢慢手慢腳,半粒鐘淨係夠煮呢個飯囉!
不過味道真係唔錯,好香西芹味呢!

2013年5月29日星期三

水羊羹

        反正早前煮咗紅豆餡,咁就可以整個超簡單快手嘅和菓子喇!


2013年5月28日星期二

咖啡慕斯蛋糕Coffee Mousse Cake

        整呢個 mousse cake 真係多災多難,足足整咗五次先至完全成功,連呢篇 blog 都要分開 4 次嚟 upload,真係死得!!

        其實上年已經開始整,當時都完全無諗過失敗呢兩個字,皆因個 coffee mousse 其實係再之前已經整過嘅榛子咖啡慕斯,嗰次都係一整已經成功,完全無失誤,點知到整呢個蛋糕時,硬係唔係好成形,我知道應該係喺凝固方面出問題,於是隔無耐再整多次,呢次醒喇,將魚膠粉用量加倍,肯定無衰啦,最多最係個 texture 比較實淨啫,點知情況都係一樣!後尾做 "賽後檢討",搵吓究竟係咩出事,但諗咗好耐,材料份量跟步驟都完全正確,都真係唔知發生咩事,點知諗吓諗吓,醒起放雪櫃嗰包應該唔係魚膠粉,而係用剩咗嘅啫喱粉嚟㗎!!! 因為無用太耐,老人癡呆太嚴重嘅我,完全唔記得咗!

        之後已經係冬天,所以我無再整,直到近排熱氣開始熱,我又諗番起佢,因為其實個 mousse base 真係好食,星期五嗰日又試嚟過,今次肯定係用魚膠粉,唔會再衰喇啩,點知自己又多多事幹,成日都諗住用 Italian meringue 比用 French meringue 消毒效果好好多,食得放心啲,所以今次就煮熱糖漿去整 meringue,但係可能因為無打 cream 太耐,個 cream 打得唔太好,望落好似有少少打過龍,不過情況唔係太嚴重,所以照樣繼續做,到加入 meringue 時果然出事,即刻油水分離,攪到成盆 mousse 變成豆腐花咁樣,睇見都唔開胃,即係倒哂落坑渠,重新再做一次!因為我一向都好怕浪費食材嘛,所以呢次好小心咁去做每個步驟,meringue 整得好綿密、咖啡蛋黃漿混合魚膠粉溶液又超順滑,無起粒,cream 又打得啱啱好,諗住呢次掂硬啦,點知一加入 meringue 都係油水分離,天呀!!!  唉咗一聲,唞咗一啖大氣之後,無奈又係請坑渠 "品嘗"!!

        到星期五放工返到嚟,心心不忿,都係再整多次,畢竟個餅底同海綿蛋糕已經整好咗,唔通你叫我就咁食咗佢咩!今次真係唔好攪咁多嘢喇,老老實實跟足 Margaret 個方法做罷,我唔想再倒嘢喇,新開一盒 cream 已經倒咗 200 喇!!卒之咪要咁足先至成功囉,真係抓哂頭都唔知發生咩事!    



咁點得㗎!!!!

原本噚晚漏夜覺都唔瞓去打好個咖啡 mousse cake 食譜同大家分享,點知辛辛苦苦咁打好哂字 ( 而且我打中文其實好鬼慢 ),一撳上載之後,成篇嘢得番 1 幅相同少部份文字,激到我想即刻爆粗!!之後再試多次都係咁,諗住隻虎梗係個 server 又發生事故,所以就即刻 offline 熄機瞓覺,第二朝再試過。

點知今日再試情況都仲係咁,於是就走去編輯部度睇吓發生咩事,睇吓有冇人同我一樣有呢個情況,點知原來由依家開始,每篇 blog 都只可以上載 16,000 個字元,而且仲係包括埋 HTML 編碼在內,咁就死得啦,淨係幾張相加一、兩段文字已經過咗上限,咁點得呀!!唔通真係要一篇文分開幾篇  blog 嚟上載咩!?煩!!!!

官方有咁嘅措施,都係多得班害群之馬、垃圾兼老鼠屎啦!唉,唔講喇,無哂 mood 呀,你哋去編輯部度睇吓詳情啦!!!

http://blog.yahoo.com/yblog_hk/articles/1301357/index


2013年5月26日星期日

三個阿茂整包餅

今日同老表上完堂之後,叫埋 Winnie 嚟,三條友一齊做阿茂,整包又整餅,開開心心渡過周日。




Wow,好豐富哦!不過代價就係要佢哋兩個陪埋我一樣
好晏先食
lunch,因為要等個包發酵嘛!








等緊麵糰發酵時,當然唔會浪費時間啦,老表 Lily 繼續整佢嘅至愛 biscotti








每塊 biscotti 都焗到金黃色,而且仲有香濃橙味。










整好 pumpernickel 之後,夾入青瓜、煙三文魚
及芥末蛋沙律,超正嘅三文治啊!










又到老表玩打奶泡,今次用咗燕麥鈣思寶嚟打,超易打起之餘,
燕麥味仲為咖啡提升香濃味道哦!










我噚日整定嘅咖啡 mousse cake









想糕餅有香濃咖啡味道,真係要用 espresso 至得,今次個咖啡味
好出,兩位女仕一食就食得出喇!


2013年5月20日星期一

泰式酸辣雜菜湯

        前排睇番啲食譜剪報時,睇到 Bonnie Yves 好耐之前嘅食譜,佢呢次唔係教整果醬,而係教大家煮個泰式湯水,見佢個味道酸酸辣辣,應該會幾醒胃,而且我又未用過阿參呢樣食材,所以都幾有興趣一試。參考Bonnie 個基本做法,再加上自己 idea 同選料,好容易就煮到喇!

        之前睇到肥媽個電視節目話喺灣仔街市有檔專賣泰國食材,對我嚟講真係一個天大喜訊,因為我每個禮拜都可以經過灣仔,咁就唔使去到九龍城都可以買到啦!檔口所賣嘅嘢都算好齊,價錢平唔平我就真係唔太清楚喇,但起碼都叫做有個地方俾我去買囉,你知啦,啲新鮮東南亞食材及香料真係唔係到處都有得賣,淨係金不換同紅辣椒都好難搵,如果吓吓都話要去到九龍城買的話,我呢個屯門人打埋車費上去,都幾重皮囉!


泰式酸辣雜菜湯

        前排睇番啲食譜剪報時,睇到 Bonnie Yves 好耐之前嘅食譜,佢呢次唔係教整果醬,而係教大家煮個泰式湯水,見佢個味道酸酸辣辣,應該會幾醒胃,而且我又未用過阿參呢樣食材,所以都幾有興趣一試。參考Bonnie 個基本做法,再加上自己 idea 同選料,好容易就煮到喇! 

        之前睇到肥媽個電視節目話喺灣仔街市有檔專賣泰國食材,對我嚟講真係一個天大喜訊,因為我每個禮拜都可以經過灣仔,咁就唔使去到九龍城都可以買到啦!檔口所賣嘅嘢都算好齊,價錢平唔平我就真係唔太清楚喇,但起碼都叫做有個地方俾我去買囉,你知啦,啲新鮮東南亞食材及香料真係唔係到處都有得賣,淨係金不換同紅辣椒都好難搵,如果吓吓都話要去到九龍城買的話,我呢個屯門人打埋車費上去,都幾重皮囉!


2013年5月19日星期日

熱辣辣出爐雜莓鬆餅

打入 冷宮嘅各式莓類都有 N 咁多年未見過天日,反正好耐都未被 寵幸過,個個都已經變哂 皺皮阿婆,係時候要清理門戶,準備讓個位俾芒果 入宮



最鍾意整 muffin,一來鍾意食,二來簡單快手,
三來之後洗嘢都唔使洗好多件!







大呢三個表面仲灑上脆脆 crumble,都係冷宮存貨!







六個細嘅完全攤凍後就即刻送入冷宮,隨時解凍嚟做早餐、
茶點或帶出街開工時中途祭五臟廟。



參考食譜:




- 紅豆抹茶鬆餅
 

2013年5月17日星期五

南瓜西米布甸 Pumpkin Sago Pudding

買一個南瓜,食足幾餐都食唔完,最後剩低嘅南瓜用嚟整埋布甸,咁就清哂貨喇!






材料:
西米 80
1180 毫升

南瓜肉 120
60
吉士粉
15
粟粉
15
椰漿 60
雞蛋 1



- 先煲滾 1000 毫升水,加入已洗乾淨西米,用中慢火煮 5 分鐘,熄火後冚蓋 10 分鐘。



-
之後將西米過冷河,備用;南瓜肉蒸熟後連水份一齊用叉壓爛成南瓜蓉。



-
雞蛋打開後將蛋白、蛋黃分開,蛋黃用叉打散,加入南瓜蓉、椰漿、吉士粉及粟粉拌勻。



-
將剩低 180 毫升水連同 40



-
將處理好嘅西米同吉士粉漿一齊加入煲內,用慢火邊煮邊攪拌,直至布甸糊煮至稠身。



-
布甸糊勺入焗盅內,將表面略為掃平。



-
蛋白打散,將剩低嘅 20 3 次加入,拂打成 8 成企身嘅蛋白霜。



-
將蛋白霜放入唧袋內,然後唧喺布甸糊表面。



-
放入已選擇燒烤功能並預熱至 140 嘅焗爐內,焗約 15 分鐘至蛋白霜變成金黃即成。


 


以上材料份量可做布甸 3 盅。





化過妝後嘅布甸,賣相即刻加分。











呢個懷舊布甸又有冇鉤起大家嘅兒時回憶呢?







Notes
-
如果唔想加南瓜蓉的話,可用 60 毫升花奶、豆漿或清水代替。



-
可參考《西米處理方法
當中處理西米步驟



- 用浸過水嘅匙羹去掃平布甸糊表面,可避免黏匙。

2013 佛誕

眾師兄們,佛誕快樂,阿彌陀佛!

往年嘅佛誕都會去浴佛,今日本來唔諗住去喇,因為天色唔好,個人又超攰,買完餸返屋企都唔想再落街,於是咗大半個鐘,起身之後就浸定菜、準備材料煮齋供佛,點知正當我整整嘢時,天色突然轉晴,睇嚟個天都就哂我,要我出去浴佛,無藉口唔去!

一路行出去望海觀音時,雖然唔係陽光普照,但都絕對唔陰天,但係一到咗望海觀音準備浴佛時,天色突然轉黑,仲落起毛毛雨㖭,心諗,無帶遮點算?好彩場地搭起哂帳蓬,唔使濕身。點知只係短短數分鐘時間,完成哂所有儀式後,準備走人時,又即刻停咗雨,所以一路返歸路上都完全無落過雨,真係好彩,果然發心禮佛,功德無量!





噚日去大角咀教琴,太子係必經之地,所以順便走過去花墟
買花。呢幾枝白玫瑰超靚,而且又唔貴,$15 / 5 枝,
好過廿幾三十蚊買紮丁香供佛啦!









今日都係煮南乳齋供佛,同平時唔嘅係,今次用咗韓國粉絲煮。因為今日
嘅份量唔多,自然南乳都用得少,所以顏色一定唔夠紅,
但係一落紅麴之後,即刻靚哂,夠哂色水喇!


2013年5月15日星期三

斯佩爾特合桃包 Spelt Walnut Bread


試過上次整 Panettone Mother Yeast 中種麵包,加上以前又整過 17 小時麵包,對於無麵包機,又無麵糰攪拌器嘅我,暫時都係唔好再玩冷藏中種發酵吧,真係鋪鋪都攪到 哩咁 hea”,我又唔想好似仙姐咁講,用人手搓麵糰時就減兩至三成水,因為減少咗水份之後,整出嘅成品質地其實係有啲唔同,咁就失去咗用冷藏中種嘅意義啦,係咪!!等到我捨得買部 KMix 或者買部麵包機時先再試過啦,依家都係老老實實照舊用番直接法、老麵或者湯種算喇!


 


真係好多謝 Ernest 媽咪,佢推介咗好多唔同食材俾我知,有啲係高檔貨,啲係稀有品種,啲係我根本唔識得去用,甚至係我聽都聽過有呢樣材料。早前佢送咗包 Spelt 全麥粉俾我,我之前都知道有呢隻麵粉,亦見過有食譜用佢整麵包,但就從未用過。Ernest 媽咪話呢隻粉唔係成日都有得賣,所以如果見到的話佢會一次過買定幾包咁話。


 


日出去教琴前我就用咗呢隻全麥粉嚟整麵包。






材料:
高筋麵粉 200
斯佩爾特粉
50
老麵
50
即用酵母
4
5
120 毫升

合桃 80
裸麥粉 適量


 


- 合桃沖洗乾淨後用抹手紙索乾水份,放入焗爐內用 140 焗至香味出;老麵切成細塊。



-
除裸麥粉及合桃外,將其餘材料混合,逐少加水搓至起筋成麵糰。



-
繼續搓揉及摔打成光滑麵糰,然後將合桃放上麵糰,用摺疊手法將合桃均勻混入麵糰內。



-
將麵糰滾圓,放入已灑粉嘅兜內,用保鮮紙封好,發酵 45 分鐘。



-
麵糰排氣後平均分割成 4 份,分別滾圓,靜置鬆弛 15 分鐘。



-
將麵糰壓平、做形,之後捏緊收口。



-
放上已墊入爐防黏蓆嘅烤盤上,發酵約 90 分鐘至兩倍大。


- 喺麵糰表面篩上少量裸麥粉,用利刀割紋。


- 放入已預熱至 230 嘅焗爐內,爐內放入一杯水,焗約 25 - 30 分鐘即成。


- 出爐後立即移至架上攤凍。


以上材料份量可做直徑約  12 厘米或長度 16 厘米麵包 4 個。





根據「四季酒店」大廚 Grégoire Michaud 所講,Spelt 全麥粉係一種古老小麥,
因為產量少同埋比較難種植,所以被現有小麥所取代,製作成現時
廣泛採用嘅小麥麵粉。用
Spelt 全麥粉整出嘅麵包帶有一種
獨特香味,而且與合桃味道相當之夾,既然大師傅
都咁講,我當然係
二仔底㗎啦!








blog Reko 同蛋撻王子咁講,出爐之後放喺度攤凍嘅時候,不停聽到
啲包包喺度 唱歌哦,呵呵!加蒸氣一齊焗就會有呢個
效果㗎喇,因為個硬皮熱脹冷縮嘛!









唔知係咪呢隻 Spelt 全麥粉同裸麥粉一樣,會越搓越濕,定係天氣濕度高呢?
正常用量嘅水都用唔哂,但個麵糰就已經好濕,幾乎又試將
啲麵糰
捲入部機咁滯,好彩我及時停機避過一場
浩劫!!亦正因為
個麵糰夠濕,所以包包
texture 好鬆軟呀!








Notes
-
老麵製作方法見《燕麥包》。



-
斯佩爾特粉的話,可用普通全麥粉代替,用量相同。



- 搓麵糰時,記得預先扣起部份水,之後再視情況逐少加入,直至搓成光滑唔黏手嘅麵糰。

2013年5月13日星期一

翠玉瓜烚蛋煙肉蛋糕 Zuchinni, Boiled Egg & Becan Cake



上次整過鹹蛋糕之後就愛上咗佢,除咗因為好食之外,簡單易做,仲可以當做正餐,所以喺焗緊個雙色雪芳蛋糕時,快快手就整埋個鹹蛋糕做晏晝嗰餐。



 





材料:

雞蛋 3

翠玉瓜 80

煙肉 2

高筋麵粉 120

低筋麵粉 60

泡打粉 1 茶匙


橄欖油 30

1 湯匙


  1/4 茶匙

100 毫升

淡忌廉 80



- 2
隻雞蛋烚熟、去殼;翠玉瓜洗淨後切粗粒;煙肉切細;粉類過篩 3 次。




- 燒熱少許油,爆香煙肉至油滲出,之後加埋瓜粒兜炒半分鐘,熄火。




- 將剩低雞蛋拂打成蛋液,加油、糖及鹽用打蛋器拌勻,之後加水同淡忌廉混合。




- 煙肉同瓜粒倒入蛋液混合物內攪拌均勻,然後將粉類分次加入拌勻。



- 先將一半麵糊倒入已鋪牛油紙嘅焗模內,放入兩隻烚蛋於麵糊中。




- 將餘下麵糊倒入,放入已預熱至 180 嘅焗爐內,焗約 50 分鐘至熟透。




- 出爐後放架上攤凍。 



以上材料份量可做 9 厘米 X 18 厘米 X 6 厘米蛋糕 1 條。

 



焗爐個爐火勁唔平均,次次蛋糕個爆口都側埋一邊!







蛋糕賣相一流,而且口感層次豐富,有清甜翠玉瓜、
鹹香煙肉同埋嫩滑嘅蛋白。







Notes


-
食譜中嘅水可用牛奶或豆漿代替。



- 烚雞蛋時只需水滾後烚
5
分鐘即可,無需熟透,因為會入焗爐再焗。

抹茶豆腐雙色雪芳


早排見到好多 blog 友都整雙色或三色雪芳蛋糕,我自己都成日話想整一次,但係始終得個講字,皆因思想上其實係極為積極,但可惜肉體上勁唔多願郁囉!! 

不過今日卒之都的起心肝去整,因為呢個蛋糕係一個 functional cake,如果今日都仲唔整的話,以後都再無機會㗎喇! 





查實呢個係一個 farewell cake,因為聽日係音樂中心同事 Vivi 最後一日
返工喇!Vivi 佢辦事落力周到,好多嘢都唔使我親自處理,
等我可以專注教學,所以特登整個蛋糕送俾佢,
多謝佢一直嘅幫忙。






 



估唔到第一次整都 OK 成功喎!不過就整得唔係咁完美,兩個蛋糕
都有少少較大氣孔,可能係因為麵糊唔係一氣呵成咁倒入模,
而係逐少勺入,變成兩隻顏色麵糊之間容易有氣孔。







 



因為個蛋糕係要送俾人,所以唔可以切開嚟影相,大家將就一下
睇住呢啲切出嘅剩餘物資吧! 因為抹茶味實在
太香濃,所以完全食唔到豆腐香味。





 



剛好剩咗一個紙杯份量嘅麵糊,焗好之後就成為
送俾媽咪嘅母親節禮物哦!

 





若果大家都有興趣想試整的話,可以參考番之前嘅《豆腐紅豆抹茶雪芳》同《豆腐雪芳蛋糕》。

2013年5月12日星期日

白玉抹茶露 Sweet Green Tea Soup with Shiratama

啲紅豆餡仲未掟上冰格,噚晚跟櫻 井 老師本和菓子食譜整咗個日式甜品。



 




白玉糰




材料:
白玉粉 20
35


- 將水同白玉粉混合,用膠刮拌勻成粉糰。




- 粉糰平均分成 4 份,分別搓圓後用手指將中央壓扁成凹狀。




- 煲滾水,將粉糰放入煮至浮起,然後立即放入凍水內。




 


抹茶露



材料:
葛粉 25
300 毫升
抹茶粉 2 茶匙
熱水 2 湯匙
4 – 5 湯匙
紅豆餡 適量

- 葛粉同水倒入煲內,用中慢火煮至滾及濃稠,其間不斷攪拌。




- 抹茶粉加熱水開勻,之後連同適量糖加入葛粉水內。




- 一直攪拌至糖完全溶解即可。





 


組合

- 先將抹茶露勺入小碗內。

-
撈起白玉糰,瀝乾水份後放入小碗內。

-
加紅豆餡伴食。

 

食譜出自櫻井景子嘅《和菓子‧和甘味》 (秋冬篇)》。



 



白玉粉其實係粗粒日式糯米粉,不過做出嘅成品
比起用中式糯米粉做出嚟會較為煙韌。









做定多一份白玉糰放冰格,到想食時就可以隨時拎出嚟煮。








呢個甜品完全係我杯茶呀!因為無論抹茶、紅豆餡
定係煙韌嘅糯米製品我都非常鍾意食。




Notes
-
白玉粉可用中式糯米粉代替;而葛粉則可用馬蹄粉或藕粉代替。



-
煮葛粉水時必須不斷攪拌,以防黐底。


- 糖嘅用量可依個人口味增減,所以最好邊煮邊試味。


-
紅豆餡做法,請參閱《日式紅豆餡》。