永生永世，我不能忘！

一樣的旋律，配上唔同嘅歌詞，感受可以完全唔一樣！

聽慣聽熟嘅廣東話版本，對我嚟講，無乜太大嘅感覺，只當係一首普通流行曲嚟聽。

至於原裝日文版本，當然係完全毫無任何感覺啦，因為我都唔知佢唱乜！只知道旋律優美動聽。

個多月前，喺電視度睇到呢個內地嘅普通話版本，感覺新鮮之外，完全觸動到我嘅心靈，真係崩口人忌崩口碗，絕對無講錯：聽一次，感受深一次；唱一次，喊一次！！尤其係呢幾句歌詞：

「重返了故鄉，梨花又開放，
    找到了我的夢，我一腔衷腸，
    小村一切都依然，樹下空蕩蕩，
    開滿梨花的樹下，紡車不再響。

    搖搖潔白的樹枝，花雨漫天飛揚，
    兩行滾滾淚水，流在樹下，
    給我血肉的故鄉，永生難忘，
    永生永世，我不能忘。」


媽咪，妳給我幸福的故鄉，永生永世，我不能忘；我不能，不能忘，永 - 不 - 能 - 忘！！

希望仲有媽咪陪伴喺身邊嘅子女們，好好珍惜與媽咪相處的每一分、每一秒，畢竟人生無常，要走的，可以快到連一句說話都未留低就走了！

祝願喺西方靜土嘅媽咪能早日修成正果，
亦祝願天下間所有母親，母親節快樂！