水羊羹

        反正早前煮咗紅豆餡，咁就可以整個超簡單快手嘅和菓子喇！

材料：
水             180 毫升
寒天粉      2 克
紅豆餡      300 克

 

- 將水同寒天粉放入煲內，加熱煮滾。

- 邊加熱、邊攪拌，直至寒天粉完全溶解為至。

- 將紅豆餡加入，直至再次翻滾。

- 熄火，將煲座於凍水內，用膠刮不停攪拌至材料變得稠身。

- 倒入容器內，放入雪櫃雪至凝固即成。

整呢個甜品真係超簡單，三兩吓手勢就已經完成，完全無難度。

和菓子最好都係自己整，因為可以自行調校

糖嘅份量，現成嘅真係甜到阿媽都唔

認得，我咁食得甜都頂唔順呢！

Notes：
- 寒天粉可用大菜粉代替。

- 倒入容器前必須將材料攪拌至稠身，否則喺凝固過程中紅豆餡與水會出現分離狀態。

- 可因應個人口味而酌量加糖。

- 紅豆餡做法，可參考《日式紅豆餡》。