2016年7月31日星期日

意式青醬 Homemade Pesto

        一直以嚟我都以為 pesto 就只係得一種配方,後尾先發覺原來只係一個統稱,凡係用綠色香草整嘅醬料都係叫做 pesto,所以選用嘅食材係可以好隨意咁依自己口味而選取。
 
        街外現成 pesto 我就一定食唔到喇,因為基本上都一定會有 parmesan cheese,所以又係嗰句,真係想食的話,咪唯有自己整囉!
 
 

2016年7月24日星期日

惠州梅菜

        上次素友 Alice 過嚟學做阿茂時,專登送我一包惠州梅菜,惠州嘅梅菜就夠哂出名,真係要多謝呢位朋友嘅心意!
 
 

沙律

        天氣熱就最啱食沙律,唔係因為怕熱,而係感覺上好似唔係太怕生冷寒涼,我整嘅沙律就只係室溫,唔會雪凍㗎!
 
 

2016年7月20日星期三

德國黑麥汁

        其實都已經知道有呢樣好耐,但就一直都未飲過,直到早前行超市時無意中發現有得賣,問過好多素友又話個價都算平,即管買枝試試。
 
 

2016年7月19日星期二

芋圓

        噚晚原本只係諗住煲芋頭番薯糖水,但諗諗吓又想整埋湯丸,因為好耐無食,心思思好想食到黏黏糯糯嘅湯丸。入到廚房,望吓望吓個芋頭,又突然間諗起早前上網睇到好幾個芋圓食譜,咁擇日不如撞日,反正都買咗芋頭,就整芋圓啦!
 

2016年7月17日星期日

輪到自己喇!!

        上次幫老友整咗一大盆泡菜,今次輪到整番俾自己食喇!!
 
 

2016年7月15日星期五

素友學做阿茂

        素友 Alice 同我一樣,唔鍾意食牙印包,偏愛歐陸式麵包。最近佢都想加入阿茂行列,試吓自己親手整麵包,所以早幾日佢就過咗嚟我屋企,同佢分享一吓我自己嘅製作經驗之餘,順便又食又傾。
 
 

2016年7月11日星期一

心意

        前幾日收到 ex whatsapp,話買咗份 XX 禮物俾我,問我幾時得閒喺屋企,佢拎上嚟俾我。咦,我咪已經同身邊所有人講好咗,呢日唔好再對我有任何動作,亦唔好旨意我會對你哋有咩表示,唔通到佢老人癡呆!?
 
        之後我哋傾咗一輪偈,佢離開時同我講,叫我自己多啲聽吓音樂啦!呢一刻我終於明白點解佢今年又突然重提呢一日,仲送禮物俾我,原來係別有用心,希望我可以聽多啲音樂舒緩情緒,早日康復。
 
 
 

2016年7月10日星期日

素蛋黃醬 Vegetarian Mayonnaise

        一直都好想整呢個素蛋黃醬,因為食齋日都可以食嘛,但可惜唔係懶蟲上身,就係情緒唔好,無心情做多餘嘢!!趁今日比較得閒,又係食齋日,的起心肝整吧!
 
        其實用盒裝豆腐整就比較乾手淨腳,一開即用都得,但我自己就唔多鍾意,因為得個滑字,完全無豆香味,所以無論係煮餸定係整西點、甜品,我都係會揀番豆腐檔賣嘅豆腐。
 
 

2016年7月7日星期四

泰國手信

        其實我一直都唔多朋友,因為我一向都好揀擇、好小心,宗旨係寧缺莫濫,重質不重量,好嘅話一個已經好足夠!尤其係當知道自己原來係有病之後,就更加懂得點去選擇人溝通,溝通唔到嘅,避得就避,以免影響自己,要學識自保!
 
        我依家嘅朋友,大部份都係由學生或學生家長關係開始,大家相處耐咗,溝通得到之餘又能夠彼此了解及關心的話,大家就會變為好朋友。之前收到嗰份驚喜加感動嘅禮物,送俾我嘅人就係由學生變成好友;今次送俾我呢份手信嘅人,就係由學生家長變成好朋友,佢每次去旅行都必定會買一份手信送俾我,真係好有我心!而呢位好友本身係一位護士,由我媽咪當年發病,到今時今日自己有事,佢都有俾到我合適意見同幫到我好大忙呢,真心要感激呢位好朋友!!
 
 

2016年7月4日星期一

雲苓白朮冬瓜袪濕湯

        前兩日去街市買餸時,喺菜檔見到一樣貌似大節瓜嘅物體,問阿姐係乜嘢嚟,原來係冬瓜仔至真!!佢仲教我用雲苓、白朮、赤小豆同扁豆煲豬腱,話好袪濕喎!我同阿姐講我煲湯唔落肉,會唔會無味,佢叫我加紅蘿蔔同栗子,一定夠甜,我都係慌死無味,加多兩條粟米㖭!! :D
 
 

2016年7月1日星期五

超級驚喜、超級感動!!

        有日中心同事 whatsapp 我,叫我得閒就上去拎個郵件,我心諗,點解會有人知我工作地點同地址嘅呢,唔通我有資料俾人盜用咗嚟做犯法嘢!?