芋圓

        噚晚原本只係諗住煲芋頭番薯糖水，但諗諗吓又想整埋湯丸，因為好耐無食，心思思好想食到黏黏糯糯嘅湯丸。入到廚房，望吓望吓個芋頭，又突然間諗起早前上網睇到好幾個芋圓食譜，咁擇日不如撞日，反正都買咗芋頭，就整芋圓啦！

 

材料：
芋頭          200 克
木薯粉      80 克
水             適量

- 芋頭切片，隔水蒸熟後用叉壓爛成芋蓉。

- 將木薯粉分三次加入，用叉邊拌邊壓入芋蓉內，形成麵包糠狀。

- 逐少加水，慢慢攪拌成不沾手粉糰。

- 粉糰分成 4 份，分別搓長成幼條狀，之後切粒。

 

- 煲滾水，將粉糰粒放入，煲至翻滾並浮面即可。
 
 

今次買到個好粉嘅靚芋頭，不過都幾乾身，所以

都加咗唔少水，但上網見到台灣人整時

係完全唔使落水都可以搓成糰。

 

 
 
 
 
 

製作比想象中容易，即使雙手及玻璃

砧板無先灑粉都完全唔會黏。

 
 
 
 
 
 

我諗我會比較鍾意啲芋頭唔好壓得咁爛，

有番少少芋頭粒咬到會好食啲。

 

 

 

 

 

Notes：
- 基本上芋圓係用芋頭加澱粉製成，所以可以選用各式澱粉，如薯粉、粟粉、番薯粉
  等，而用木薯粉製作嘅芋圓會比較有彈性，即使凍後都唔會變得硬身。

- 拌粉糰時，水嘅用量係受到澱粉嘅吸水量、芋頭嘅含水量、以及天氣濕度所影響，

  所以必須逐少加入直至能夠拌成糰，若果一下子加多咗水的話，可酌量加入澱粉。

 

- 做好嘅粉糰粒可以撒上少許澱粉，每粒粉糰都沾上粉後就可以放入冰格保存，毋須
  解凍即可直接放入滾水內煮熟。