2012年12月30日星期日

新鮮熱辣叉燒出爐呀!


天氣凍咗之後,瞓醒起身確係一件難事,所以攪到好晏先落街買餸,咁就自不然有好嘢都唔輪到你啦!

去到超市,想搵嚿見得吓人嘅脢頭都無,唔係肥到死嘅就係瘦到阿媽都唔認得,喺咁嘅情況下,我當然寧願揀嚿瘦㗎啦!





好彩焗完出嚟都叫做似模似樣!








嚿脢頭真係瘦到幾乎無肥咁滯,好彩食落都唔會韌咋!





食譜請參考《蜜汁叉燒》。

味噌煙三文魚蛋糕 Miso Smoked Salmon Cake



仲記得之前我話喺圖書館度借咗幾本鹹點食譜嗎?今日又再同大家分享另一本喇!


 

啱早前去「IKEA」訂書櫃時,見到食品部啲煙三文魚做特價,$69 減到 $49,跟手就買咗兩 pack,加上屋企已經有味噌同木魚花,只要買埋洋蔥同蘑菇就可以開工整蛋糕喇喂!!







材料:
紫洋蔥 30
蘑菇
30
煙三文魚 50
低筋麵粉
90
高筋麵粉
45
泡打粉
4
6
20
雞蛋 3

赤味噌 30
50 毫升

橄欖油 40
木魚花 適量



- 洋蔥去衣,沖洗後切幼絲;蘑菇洗乾淨、切片;燒熱油,將洋蔥同蘑菇炒至略軟身,攤凍。



-
三文魚切細件;麵粉同泡打粉混合過笙 3 次;雞蛋拂打成蛋液。



-
將鹽、糖同味噌放入蛋液內,用打蛋器拂打直至完全溶入蛋液內。



-
加水同油,攪拌均勻,之後將粉類一次過倒入,用膠刮攪拌均勻。



-
將洋蔥同蘑菇拌入麵糊內,然後將麵糊勺入紙杯內約五分滿。



-
三文魚片放入麵糊內,兩將麵糊勺入至 8 分滿。



-
喺麵糊表面灑上木魚花,然後逐一放上烤盤上。



-
放入已預熱至 180 嘅焗爐內,焗 15 分鐘,之後將烤盤調轉再焗多15 分鐘即可。


 


以上材料份量可做直徑 5.5 厘米蛋糕 8 個。


 


食譜出自馮嘉慧嘅《第一次做鹹點心就成功》。









蛋糕比想像中軟熟得多,可惜味道過鹹,可能因為我用嘅味噌係比較鹹啦!











你哋睇,用料幾豐富!






Notes
-
原食譜係用牛奶,我自己就改用水;油嘅用量為 55



-
原本食譜係將洋蔥同蘑菇直接加入麵糊內,但我自己怕生洋蔥的辛辣味道,所以預先將兩者炒
  過。


-
由於味噌本身已帶鹹味,所以要因應其鹹度而調節鹽嘅用量。

2012年12月24日星期一

多謝 Ernest 媽咪!

要多謝 Ernest 媽咪送俾我嘅聖誕禮物呀!






知唔知呢兩份係咩嚟呢?









係充滿乾果香甜味嘅聖誕麵包 panettone 同聖誕期間限定嘅紅茶呀!


薯仔香草麵包 Potato Herbs Bread

呢兩日都得閒無嘢做,於是就可以瞓到自然醒為止,真係好耐未試過咁歎喇!


 


今日又唔使煮飯,見咁得閒,就郁手整麵包。呢個薯仔香草包其實係參考咗一個甜包食譜整成,除咗麵粉同薯蓉份量比例外,其餘材料都幾乎改頭換面,變成一個鹹包。




 


材料:
蒸熟薯肉  100
法國麵包粉
  90
全麥粉
  10
  15
2
即用酵母
  3
混合香草  適量

蛋液  25
  30


 


- 先將蒸熟薯肉用叉壓爛成薯蓉,加入麵粉、鹽、糖、香草同酵母混合。



-
加入蛋液拌勻,之後逐少加水攪拌成麵糰。



-
枱面灑粉,放上麵糰,加人適量手粉,輕手搓成光滑麵糰。



-
將麵糰滾圓,放入已灑粉嘅兜內,用保鮮紙封好,發酵 75 分鐘。



-
麵糰排氣後滾圓,靜置鬆弛 15 分鐘。



-
將麵糰收口向上,壓扁排氣,將上、下、左、右依次向內摺入,之後捏緊收口。



-
麵糰再次滾圓,放上已墊入爐防黏蓆嘅烤盤上,蓋上帆布,發酵 90 分鐘。



-
連同一小杯水,放入已預熱至 200 嘅焗爐內,焗約 25 分鐘即成。



-
出爐後放上架上攤凍,切件享用。





焗好出爐時見到個面咁深色,就立刻明白點解原食譜個甜包麵糰要塗上
一層法國白芝士,但其實食譜中相片見到成品都唔淺色得去邊哦!
好彩切開裡面非常之靚,而且濃烈嘅香草味立即湧上,
麵包質地亦因水份高而非常軟熟。













刻意買多啲薯仔做芥末煙肉蛋薯仔沙律,今晚嘅晚餐就有著落喇!






Notes
-
由於加入薯蓉嘅麵糰非常之濕同黏手,所以需根據實際情況去增減水份用量。



-
麵糰會越搓越濕,最好就係用不斷重覆摺入動作取代搓揉,而且仲會用比較多手粉。



-
成品焗好後會比較深色,所以要不斷留意情況,以免麵包表面焗得太燶。


2012年12月23日星期日

蜜糖雜乾果燕麥英式烤餅 Honey & Muesli Scone

整好咗果醬,最好就係跟手整埋 scone,兩者絕對係絕配!


 


今次呢個 muesli scone 除咗係因為想試試果醬味道而整之外,最重要係順便可以清一清包 muesli,皆因當平常燕麥食真係唔多討好!








材料:
雜乾果燕麥  20
低筋麵粉
  75
高筋麵粉
  50
泡打粉  1 茶匙

  1 茶匙
  少許
牛油  10
肉桂粉  適量

豆蔻粉  適量
椰絲  適量
蜜糖  30
豆漿
  60


- 雜乾果燕麥放入焗爐,用   140 15 分鐘,攤凍備用。



-
麵粉、泡打粉、鹽同糖拌勻,加入牛油,用手指捽成麵包糠狀。



-
將雜乾果燕麥、肉桂粉、豆蔻粉及椰絲加入混合。



-
蜜糖同豆漿倒入混合物內,用刀將材料切拌,直至全部材料完全混合。



-
輕手將混合物搓成麵糰,然後壓扁至約 2 厘米厚。



-
用直徑 5 厘米圓模 出麵糰,並排於已鋪牛油紙嘅烤盤上。



-
將剩低嘅麵糰再次輕手搓成糰並重覆以上步驟,直至所有麵糰用完。



-
喺麵糰表面掃上少量豆漿,然後放入已預熱至 220 嘅焗爐內焗 15 分鐘即成。


 


以上材料份量可做直徑 5 6 個。





因為我係用較深色嘅荔枝蜜去整,所以焗好之後色澤非常之靚。





 




Scone 外脆內軟,本身已經有蜜糖香甜味,配埋自家製
紅茶橙皮果醬一齊食,真係正到無朋友呀!





Notes
-
如果唔用雜乾果燕麥的話,可用一般燕麥片代替。



-
搓麵糰時必須輕手、快手,避免產生筋性,影響烤餅口感。



- 搓好嘅麵糰可直接用刀切開幾份,省卻用圓模 出麵糰。

- 如果鍾意比較乾脆口感的話,麵糰就唔好並排而放,麵糰之間需留有空位。

紅茶橙皮果醬 Black Tea Marmalade

         屋企啲果醬都已經食得七七八八,又喺時候整果醬喇!
 
         每次整果醬,首選都係 marmalade,因為我係橙精嘛,不過我又不甘平凡,硬係想玩吓嘢,於是今次就試吓唔用水煮果醬,改用紅茶嚟煮。  

2012年12月17日星期一

金寶焦糖蘋果磅蛋糕

上個禮拜初一時,換咗幾個供佛蘋果落嚟,一心諗住整焗金寶蘋果做甜品,之但係個腦突然間又閃一閃咗個焦糖蘋果磅蛋糕出嚟,攪到我心大心細,都唔知整邊個好,後來把心一橫,索性將兩個食譜 combine 埋一齊,一次個滿足哂我兩個願望,嘻嘻!





呢個整法超好食,口感非常豐富:蛋糕鬆軟、蘋果腍甜、金寶酥脆。





 




唔知點解呢幾次整嘅磅蛋糕個質地都好鬆軟,誇張啲講句真係偏向
雪芳蛋糕質感,唔知係因為用法國發酵牛油嘅關係,
定係因為減咗牛油份量,所以成品無咁紮實呢?






 




磅蛋糕最啱就係配一杯紅茶,可以減輕蛋糕嘅甜膩感覺。





有興趣整的話,可參考《肉桂焦糖蘋果蛋糕》及《金寶蘋果批食譜

鬆軟厚 pancake


Pancake 好多時都會整,尤其係當晏晝嗰餐重未有著落,個人懶起上嚟唔想攪咁多,但屋企一下子又無乜材料存貨時,我就會煎 pancake 嚟食,貪佢簡單方便又快趣嘛,除非屋企連雞蛋麵粉都無啦!


 

我一直都好想整到厚厚 pancake,試過好幾個食譜都唔係好得。一次上 Youtube 睇嘢時無意中發現有個教整 pancake video,原來係 Ricky Cheung 教整無花果熱香餅,見到佢嘅成品都幾厚身,抱著即管一試嘅心態去整,點知真係做到心目中嘅厚 pancake,而且質感都唔錯,好鬆軟㗎,所以想同大家分享一下個食譜。




 



材料:
自發粉  70
泡打粉
  1
  20
菜油
  10
蛋液
  60
  20 毫升



- 先將粉類、糖同油拌勻,之後加入蛋液同水,攪拌成軟滑麵糊。



-
燒熱平底鑊,將適量麵糊勺入鑊內,用匙羹背喺麵糊上輕手打圈,將麵糊推開。



-
當麵糊表面產生氣泡後就將佢翻轉,煎至另一面都金黃、熟透,即可上碟。


 


食譜出自 Ricky Cheung無花果熱香餅






咁樣整pancake 除咗鬆軟之外,蛋香味亦比一般做法香濃好多,
真係值得推介呀!



 




Notes

-
原食譜係用軟牛油及奶,我自己就改為菜油同水;無自發粉的話,可用 70 克低筋麵粉加 3/4
  茶匙泡打粉代替



- 一隻雞蛋一般都會係約 50 克重,如果唔想為10 克蛋液又去打多隻蛋,可以加入同等份量
  清水代替。


-
Ricky Cheung 建議麵糊唔好攪太耐,否則麵糊起筋就唔可以做到鬆軟效果。


-
煎麵糊時最好用中慢火去煎,如果火力太猛的話,會容易煎燶,成品亦較為乾身。

2012年12月12日星期三

十榖饅頭



上次已經用咗芝麻粉嚟整黑芝麻雪芳蛋糕,今日就用十榖粉嚟整饅頭。









材料:
高筋麵粉  125

筋麵粉  125
十榖粉   50
泡打粉   4
老麵  50
 25
即用酵母   2.5
 160 毫升

 


- 粉類、老麵、糖同酵母放入食處理器內混合,逐少加水搓成麵糰。

-
將麵糰拎出,放上已灑粉嘅枱面,繼續搓揉及摔打成光滑麵糰。



-
將麵糰滾圓,放入已灑粉嘅兜內,用保鮮紙封好,發酵 15 分鐘。


- 之後將麵糰排氣,用擀麵棍擀薄成長方形,喺較長嘅一邊卷起成長條狀,捏緊收口。

-
將麵糰切件,每件約重 50 ,靜置鬆弛 15分鐘。


- 煲滾水,將麵糰放入蒸籠或放於碟上,隔水以中慢火蒸約 8 - 10分鐘即成。



以上材料份量可做饅頭約 10 個。






雖然十穀粉並無特別味道,但就為饅頭額外增添營養及纖維。






咗老麵整嘅饅頭份外鬆軟哦!


 





Notes
-
老麵製作方法,請參考《燕麥包》。



-
若果有中筋麵粉的話,可直接使用取代高、低筋粉。



- 蒸籠或蒸碟上必須墊上牛油紙防黏,若用蒸籠的話,需先將牛油紙插孔,讓蒸氣穿透。

2012年12月7日星期五

黑芝麻雪芳蛋糕 Black Sesame Chiffon Cake

Ernest 媽咪俾啲黑芝麻粉同十穀粉我,我即刻就諗到用黑芝麻粉嚟整雪芳蛋糕就最啱不過。


 


今日比較得閒,就郁手整黑芝麻雪芳啦!








材料:
低筋麵粉   80
蛋白 4 隻蛋份量

他他粉      少許
     60
蛋黃      3

    50 毫升
黑芝麻粉   25
麻油     30毫升


 


- 麵粉過篩 3 次。



-
蛋白加他他粉用電動打蛋器打至起泡,之後將糖分 3 次加入,打至 9 成企身嘅蛋白霜。



-
蛋黃打散,加水拌勻,之後加入芝麻粉及麻油混合。



-
將麵粉分次篩入蛋糊內,攪拌均勻成柔滑麵糊。



-
先將 1/3 蛋白霜加入麵糊內,攪拌至完全融合為止。



-
將剩餘嘅蛋白霜分次加入,用膠刮輕手切拌混合,避免將麵糊內空氣打散。



-
將麵糊倒入模內,放入已預熱至 180 嘅焗爐內,焗約 30 分鐘至熟透。



-
出爐後立即將蛋糕模倒扣,當完全攤凍後就可以脫模。







加入他他粉打蛋白霜,做出嘅麵糊比較綿密柔滑兼有光澤。









蛋糕超香濃芝麻味哦!聽日拎過去 Miss Cheng 中心度
Miss、同事及學生一齊
party 呀!







Notes
-
打好嘅蛋白霜可先放入雪櫃內暫存,以免置於室溫太耐而消泡。



-
加入他他粉可令蛋白霜穩定性提高,減低消泡情況,亦可用數滴檸檬汁或白醋代替。


-
想方便的話,可買現成黑芝麻醬代替芝麻粉及麻油,黑芝麻醬亦可自家製作,請參考
 《
自製黑芝麻醬》。

2012年12月1日星期六

辣茄醬雜菜海鮮

無辣不歡嘅我,除咗整甜品之外,幾乎整乜都會加辣,尤其是依家天氣凍,食完之後成身熱辣辣,勁正!






其實呢個係 ratatouille 㗎!不過就加咗青口、魚柳同紅辣椒落去煮。










今次無用到番茄呀,懶得就懶,解凍咗冰格樽自家製番茄醬倒落去煮就算!








最後加埋意粉落去索汁,勁好味呀!



 


做法請參考《普羅旺斯燴雜菜》及
莎樂美鮮白菌薄餅》內番茄醬製法。

2012年11月25日星期日

香橙朱古力蛋糕 Cake chocolat à l'orange


 
之前整嘅糖漬橙皮其實係另有目的嘅,咪就係用整呢個咁正嘅香橙朱古力蛋糕囉!







材料:
牛油   150


雞蛋   6
低筋麵粉   65
可可粉
    120
泡打粉     3.5
糖漬橙皮
  120
朱古力
    155
淡忌廉
    120
    150
蜜糖
  33


- 牛油同雞蛋於室溫放軟及回溫;粉類全部混合過篩 3 次。



-
橙皮切成長形粒狀;朱古力座熱水溶解;淡忌廉放入微波爐內加熱至 40 左右



-
用電動打蛋器將牛油打至鬆軟,之後加入糖,繼續打至發白成牛油霜。



-
拌入蜜糖,攪拌均勻後,將雞蛋逐隻加入攪拌,直至混合物變得柔滑。



-
加入朱古力,混合好後再倒入淡忌廉,攪拌均勻。



-
然後將粉類一次過倒入,快手將混合物攪拌成帶光澤嘅麵糊。



-
拌入橙皮後,將麵糊倒入已搽油及灑粉或已鋪牛油紙嘅蛋糕模內。



-
枱面輕敲焗模,排出麵糊內嘅空氣。



-
放入已預熱至 190 嘅焗爐內,焗約 25 分鐘,之後打開爐門略為散熱。



-
調低爐溫至 170 繼續焗多 25 30 分鐘至完全熟透。



-
出爐後立即將蛋糕脫模並移至架上攤凍。


 


以上材料份量可做8厘米X 18厘米 X 6厘米蛋糕 3 個。


 


食譜出自土屋公二嘅《巧克力專業師的巧克力》。








淨係望見蛋糕個顏色同聞到嘅香味,就已經知道朱古力味係幾咁香濃。







蛋糕非常鬆軟,而橙嘅香甜味同朱古力永遠都係咁夾!






Notes
-
原食譜中糖嘅用量為215 ;蛋液 310



-
糖漬橙皮做法,可參考《糖漬橙皮》或《糖漬橙皮 ( 簡易版 )》,亦可用現成品代替。


-
根據食譜,打發牛油霜時需將攪拌兜直接上火加熱至 28

糖漬橙皮 Ecorce d'orange confite

        仲記得我有儲橙皮嘅習慣嗎?儲吓儲吓,不經不覺已經儲咗兩大袋喺冰格,霸咗冰格唔少空間,係時候要清一清佢至得喇!



2012年11月24日星期六

韓國炒粉絲 Japchae (잡채)

        韓國炒粉絲都係我個 To Do List 內想煮嘅嘢,不過買包粉絲都要成二、三十蚊,所以一直都無起心去煮,咁啱上個月「永安」一年一度 sale韓國粉絲只賣 $18.9 一包,嘩,咁筍,唔買都對唔住自己啦,吓嘩!!

 

2012年11月21日星期三

無花果葵花籽全麥包 Fig & Sunflower Seed Whole Wheat Bread

呢個包其實係無花果合桃包嘅變奏,將合桃改成葵花籽之餘,仲將部份麵粉改成全麥粉,做出嘅包包同樣咁好食,葵花籽比合桃更加香口。






材料:
高筋麵粉  200
全麥粉     50
老麵
  50
     4.5
黃糖   20
即用酵母   2
    160 毫升
橄欖油     10
葵花籽     30
無花果乾   50
 


- 葵花籽放入已預熱至 140 °C 嘅焗爐內焗 15 分鐘至香味出;無花果乾切碎備用。

-
將粉類、、酵母、鹽同糖倒入食處理器內混合,逐少加水搓至起筋。


-
之後加油,開機繼續搓成麵糰。



-
將麵糰拎出,放上已灑粉嘅枱面,繼續搓揉及摔打成光滑麵糰。



-
葵花籽及無花果乾包入麵糰內,將麵糰重覆摺疊直至餡料均勻分佈於麵糰。


-
將麵糰滾圓,放入已灑粉嘅兜內,用保鮮紙封好,發酵 60 分鐘。


-
拎出麵糰,壓扁排氣後,將上下左右向中間摺入,放番入兜內發酵 30 分鐘。



-
完成第二次發酵後,將麵糰分割成 4 份,之後將麵糰滾圓,冚上保鮮紙,靜置 20 分鐘。



-
將左右兩邊 1/3 麵糰摺入,捏緊收口,做成欖核形。



-
麵糰放上已墊入爐防黏蓆嘅烤盤上,發酵約 60分鐘直至麵糰發大約 2 倍。



-
發酵完成後,喺麵糰表面灑上少量高粉,之後用利刀割紋



-
放入已預熱至 220 °C 嘅焗爐內焗約 20 分鐘。



-
其間每隔 7 - 8 分鐘就要喺爐內噴水 1 次,共噴水 2 次。



-
出爐後放上架上攤凍。



以上材料份量可做麵包 4 個。





一大一細,兩個都發得好好,脹卜卜,割紋亦爆得好靚。









加咗全麥粉,包質相對比較結實,但仍然相當鬆軟。






Notes
-
老麵做法,請參考《燕麥包》。



- 天氣涼嘅時候,可將麵糰放入電飯煲內,用煲溫功能幫助加快發酵,唯需留意各款電飯煲的保
  溫溫度,必需控制喺
40 °C 以下,否則酵母會因高溫而死亡。

2012年11月18日星期日

再用 muesli 整 granloa bar

試過用 Louisa 送俾我嗰盒 muesli 當普通麥皮咁沖嚟食,諗住有乾果又有果仁,應該會幾好食,誰不知一啲都唔好食,寧願自己用普通燕麥片沖嚟食好過,唔怪得之Louisa 話最啱就係用嚟整燕麥條啦!




今次就加咗橙皮茸同椰絲落去整,焗出嚟勁香!



 




跟住再加重麥芽糖同蜜糖,果然實淨好多,切開時無咁易散。







今次主要係整俾 Miss Cheng 同其他老師及職員食,因為 Miss 係好鍾意
granola bar,佢話佢喺美國留學時成日都會買嚟食,
好過成日食朱古力喎!