2015年3月24日星期二

暖在心

        有日阿馳 Whats app 我,叫我上開去佢屋企時就順便拎走埋張電暖氈。
 
 

鹹蛋?鴨蛋?

        你哋覺得呢隻係鴨蛋定係鹹蛋呢?
 
 

2015年3月19日星期四

硬 margarine

        超市賣開嘅 margarine 通常都係軟身,用嚟搽麵包嗰一款,唔可以用嚟整烘焙食品,但我又一直唔見有硬 margarine 賣,因為始終有啲西點製法係唔可以用液體油代替,例如牛油霜;另外試過用固體菜油整批底又唔多掂,雖然可以成形,但個 texture 真係太鬆脆,一脫模就散,所以我一直都好想知道究竟有無硬 margarine 賣。
 
 

2015年3月18日星期三

素公司治

        平時我都好少出街食,兩餐多數都係自己煮,一來當然係慳錢啦,二來就係一向都唔多鍾意出街食。之但係咁,始終都係有機會要街外食嘅,由朝到晚都喺街的話就迫住要出街食喇!
 
        以我嘅生活習慣,出街食的話好彩都夾到 tea time 時間,我都多數只會去快餐店攪掂,因為都仲可以 $2X 醫飽個肚。好多時都會叫公司治,飽肚得嚟又相對比較健康,少肉少油。近日行經某快餐店門口,經過時望到入面個餐牌,一份公司治原來已經加到成 $30 一份,以呢個價錢去食幾塊薄薄麵包同雜菜,真係唔多值,我唔想同食店交租囉!!反正自己整都無難度,應該係零難度先啱呀!
 
 

2015年3月15日星期日

煙肉薯仔粟米湯 Smoky Bacon Sweetcorn & Potato Soup

        如果大家有睇過上次肉桂焦糖蘋果西多士條片的話,應該會覺得呢個湯熟口熟面,因為係同一輯節目內嘅 recipe 嘛!見材料都好簡單,而且屋企又有罐忌廉粟米蓉,一於又試吓啦!
 

番紅花免發酵薄包 Saffron Flatbread

        Gordon Ramsay 個節目真係學到好多嘢,由主菜到甜品,麵包到蛋糕都有教,真係夠哂全面。
 
        其中一集主題係健康食譜,佢教大家整煙肉車厘茄煮青口配 flatbread lunch,一見到呢個 flatbread 就已經下定決心一定要試整,因為唔使發酵,麵糰鬆弛過後就直接落平底鑊烘烤,夠哂方便,唔使嘥時間等佢慢慢發,天氣凍時就更加正呀!
 
 

2015年3月13日星期五

韓式海帶蜆肉湯 Jogae Miyeokguk (조개미역국)

        今個禮拜又偷懶唔煲湯,試咗整 Gordon Ramsay 個西湯,效果都唔錯,不過份量只夠兩餐,所以今晚就另外再跟 Maangchi 姨學整海帶湯,遲啲先同大家分享番 Ramsay 個西湯啦!
 
        韓國人好鍾意煮海帶湯,不單只生日會整,就連生完 BB 之後都係飲海帶湯補身。Maangchi 姨係教用新鮮青口去煮海帶湯,但係邊度咁易買到新鮮青口呢!原本街市間「大昌」都有急凍藍青口賣,可惜街市重建又俾「領匯」迫走埋,所以我就改咗用蜆肉喇。當然,味道一定會差好遠,但調味之後都唔差呢!
 
 

鮮橙杏仁玉米蛋糕

        真係想死,個街市變成雞肋,唔好話買番薯咁普通嘅嘢都無,原來想買個富士蘋果都咁艱難!蛇果就有,但我唔多鍾意食,自從出咗富士蘋果之後都已經無再買喇!無富士蘋果又無雪梨,所以連續兩次都係買橙嚟供佛,加上依家又興 $XX/ X 個咁賣,攪到成屋都係橙,食都食唔切,有啲都開始有少少爛橙味,要快手攪掂佢!!
 
        突然間俾我諗到用嚟整 polenta cake,趁今朝比較得閒,嗱嗱淋即刻整!!
 
 

2015年3月5日星期四

元宵湯丸

        今日係正月十五元宵佳節,雖然我得一個人喺屋企,但我都特意咗湯丸供佛。
 
 

五香豆乾甘筍絲

        今晚要食齋,整咗個超簡單懶人菜,切完絲就落鑊炒,咁就攪掂喇!
 
 

2015年3月3日星期二

韓式泡菜煎餅 Kimchijeon ( 김치전 )

        見好耐都無用泡菜嚟整嘢食,今日又試吓用嚟整煎餅。
 
 

唉,有排捱呀!

        之前見到 blog Moonmoon 話佢去開賣餸嗰個屋邨街市要封咗嚟大裝修,只係留番每樣一、兩檔繼續營業,當時聽到都戥佢慘,但估唔到呢一日居然都會發生喺自己身上!
 
        咗農曆新年頭嗰幾日,屋企附近個屋邨街市就正式被「領匯」完全封閉,聽聞原本有百多個檔位,依家就只係提供得二十二個臨時檔位繼續經營,咁即係話,基本上每種產品嘅售賣檔位都只係得番一、兩檔。其實檔位數目少都唔緊要,只要產品種類夠齊全都 OK,但最慘係啲檔位 size 超迷你,有啲直情係比我屋企個廚房、廁所仲要細,唔好話擺多幾種嘢嚟賣,就連檔主企喺度想轉身都難,最簡單不過想買幾隻番薯煲糖水都無,皆因檔口地方少,菜檔阿姐話無可能放啲咁嘥位嘅嘢喺度賣!  
 
 

2015年3月2日星期一

肉桂焦糖蘋果西多士

        早前睇到 Ramsay 個烹飪節目其中一集主題係慳家菜,佢教用隔夜麵包整個肉桂焦糖蘋果西多士,睇見都幾吸引,唔使次次來來去去都係落糖漿或果醬,等我又試吓先!