五香豆乾甘筍絲

        今晚要食齋，整咗個超簡單懶人菜，切完絲就落鑊炒，咁就攪掂喇！

 

 

材料：
紅蘿蔔
五香豆腐乾
薑絲

調味料：

五香粉
鹽
糖
香菇粉
麻油
辣椒油

- 紅蘿蔔刨皮，洗淨後切絲；五香豆腐乾略沖洗後切粗絲。

- 燒熱油，先將薑絲同豆腐乾爆香，然後加入紅蘿蔔。

- 加入適量調味料，兜炒均勻後加少少水，冚上鑊蓋煮至紅蘿蔔軟身。

 

- 最後灑上麻油及辣椒油，兜勻後即可上碟。

 

 

我最怕就係切紅蘿蔔絲，又硬又實，真係切到蚊都瞓，

所以索性用 food processor 代勞，慳水慳力，

真係超級懶人菜哦，呵呵！

 

我自己都幾鍾意五香粉味道，但一定唔可以

用得太多，否則味道過濃，適得其反！