2012年7月31日星期二

芒果慕斯蛋糕


老竇最近幫我接咗個 order 整生日蛋糕,主人翁指定要整 mango mousse cake,因為佢好鍾意食芒果。我一聽到呢個 order 就真係頭都大哂,呂宋芒都已經唔係當做,就算有得賣都唔慌靚啦,其他品種嘅芒果又得個甜字,完全唔夠香!

 



本來我都諗住問對方轉其他口味得唔得,但 Winnie 話對方開得口就梗係好想食芒果啦,Winnie 話佢之前買落好多芒果,一早打成果蓉放入冰格,佢可以讓俾我整蛋糕。



 



噢,生日主人翁有芒果蛋糕食,真係要多謝 Winnie 割愛呀!因為當日咁啱佢都要整三個 mango mousse cake 俾阿爸擺生日酒呀!咁佢依家其中一個蛋糕就要改成用榴槤整,真係唔好意思喇!!



 



Winnie,唔該哂!!





除咗用芒果蓉整 mousse,仲去超市買多兩個新鮮芒果切粒鋪面裝飾。
雖然都係呂宋芒,但無論香味同食味同當做時真係差好遠呀!




因為一般 mousse ring 都比較矮身,所以就叫老竇走去買塊膠片
嚟團邊,加高後就可以整到面頭嗰個啫喱層喇。




今次能夠順利成功整到靚靚 mango mousse cake,真係要多謝 Winnie
除咗因為肯割愛之外,喺整呢個慕斯蛋糕上佢都俾咗唔少
tips 我,
因為佢每年都會為家人同老友整幾個
mousse cake
簡直就係熟手技工啦,哈哈!!




2012年7月27日星期五

自家製熱狗 Homemade Hot Dog



呢個禮拜係咁落雨,真係落到人都煩,依家好想死,因為頸膊肌肉都酸痛呀!!



 



Dayoff
想整包,但係個人又咁鬼死唔妥,都唔多想郁,但係唔整又無得食,所以就揀咗個最易做嘅熱狗嚟整喇!





 






材料:

高筋麵粉  
135

即用酵母  
2

    65 毫升

    1


    15

蛋液   14

橄欖油    
5

炒香芝麻  
適量



-
將麵粉、酵母、鹽、糖同蛋液倒入食處理器內混合,逐少加水搓至起筋。




-
之後加油,開機繼續搓成麵糰。




-
將麵糰拎出,放上已灑粉嘅枱面,繼續搓揉及摔打成光滑麵糰。




-
將麵糰滾圓,放入已灑粉嘅兜內,用保鮮紙封好,發酵 45 分鐘。




-
麵糰平均分割成 3 份,分別滾圓,靜置鬆弛 10 分鐘。




-
用擀麵棍將麵糰擀平成橢圓形,之後捲起麵糰,捏緊收口。




-
用擀麵棍將收口位置略為壓平。




-
噴濕麵糰表面,然後沾上芝麻,放上已墊入爐防黏蓆嘅烤盤上,最後發酵 45 - 60 分鐘。




-
放入已預熱至 180
嘅焗爐內,焗約 20 分鐘即成。



 



以上材料份量可做大 size 熱狗 3 個或中 size 熱狗 4 個。



 



食譜出自雪媽媽嘅《自家製麵包》。


 

最後發酵前將麵糰表面滾滿芝麻。



 

熱狗簡單易做,仲可以隨個人喜好加入不同餡料同醬料,
加上熱辣辣出爐嘅熱狗,表面焗得非常香脆,
你會忍得住口嗎?






Notes

-
原食譜中所用嘅油脂為牛油 10




- 沾上芝麻前,麵糰表面亦可塗上牛奶或蛋液增加色澤。

2012年7月23日星期一

撞到缸瓦佬!



之前喺 MOONmoon blog 度睇到佢介紹「缸瓦佬」,當時已經好有興趣去 打個 round”,點知去到旺角花墟時搵極都搵唔到,後尾再問番 MOONmoon 先知原來已經摺咗,準備喺運動場道搵舖重開,點知都係搵唔到佢嘅蹤影。



 



直到上個月,MOONmoon 又再提起「缸瓦佬」,原來卒之搬咗過灣仔!噚日教完 Ernest 之後,行經天樂里時,無意中俾我撞到 ,咁我梗係走入去同條 吓訕啦!



 



啲餐具真係好平,平均十零蚊就有交易,特別係啲入得焗爐
嘅容器,真係睇見件件都想買,但係平還平,屋企邊得咁多位擺至得㗎!好多碗碟已經重疊重咁擺,最近就係因為放得唔夠穩陣,一次過打爛幾件喇!!所以最終都好忍得手,只係買咗兩件咁大把!



其實我最主要就係買番一、兩隻疏乎里盅,因為早前又俾我打爛咗隻呀!
呢度只係賣 $7 隻,真係超抵!其實見到好多貨都係「吉之島 $10 店」
貨色,但佢就
$10 都唔駛,況且依家都已經變成「$12」㖭啦!

 




聽個看舖阿姐講,原來佢哋係做食肆生意,好多酒店、餐廳同食肆都搵佢攞貨,生意唔係全靠做門市,所以個阿姐話以後都唔會再喺對面海開鋪,因為九龍嗰邊啲租勁貴,根本頂唔順咁貴租,依家灣仔呢間舖都係由上環搬過㗎喎!

如果 blog 友們都有興趣去探條 "佬" 的話,可以睇番 MOONmoon 篇《缸瓦佬~英皇道!!!》,有哂卡片地址,仲圖文並茂㗎!

 

2012年7月21日星期六

橙皮果醬杏仁鬆餅 Marmalade Almond Muffin



依我嘅愚見,整 muffin 係將濕材料倒入乾材料內拌勻成麵糊;而整 cupcake 就同整 pound cake 差唔多,先將牛油加糖打發,之後加入蛋液拌勻,再加入麵粉拌成麵糊;scone 就係將凍牛油用手指捽入麵粉內,做成麵包糠狀後再加入蛋液及水,輕搓成麵糰。



 



但我最近發現到有個
muffin 食譜,係好似整 scone 咁,用手指將牛油同麵粉捽成麵包糠狀,之後再加蛋液、奶同其他材料,攪拌成麵糊,咁嘅做法都係第一次見,即管又試一試!

 




鬆餅



 



材料:

低筋麵粉      300

泡打粉     1 湯匙

牛油     
125

杏仁片
  
40

      120

橙皮茸   
   
1
個橙份量


橙皮果醬
   170

雞蛋
  2


40 毫升





-
麵粉同泡打粉混合好,加入凍牛油,用手指捽成麵包糠狀。




-
將杏仁片、糖及橙皮茸拌入,攪拌均勻後再拌入果醬。




-
雞蛋拂打成蛋液後倒入混合物內,最後加適量水拌勻成麵糊。




-
將麵糊倒入模內,面頭再灑上適量杏仁片 (份量以外)



-
放入已預熱至 180
嘅焗爐內,焗約 20 分鐘即成。



 



 



橙醬糖漿



 



材料:



橙皮果醬   85

    2 湯匙



 



- 果醬加水拌勻即成糖漿。




-
將糖漿逐少淋上鬆餅面即可。



 



以上材料份量可做鬆餅約 12 個。



 



食譜參考自
Women’s Weekly, Breads &
Muffins



 


加咗杏仁片裝飾同淋上橙醬糖漿,賣相唔錯。




呢個方法整出嘅鬆餅質地都唔錯喎,最正都仲係勁香甜嘅橙味囉!!




Notes

-
原食譜材料及用量:

 
自發粉   300
(
用自發粉就唔駛加泡打粉
)

 
杏仁片
  80

 
  150



  橙皮茸   1 湯匙

 
牛奶     125 毫升




-
大多數食譜都會教先將凍牛油切粒,之後先加入麵粉內,但我自己就鍾意成嚿牛油放入,因為原件牛油嘅保凍能力比切粒牛油高,無咁容易軟化,效果比較理想,尤其依家天氣咁熱,呢個方法會比較適用。




-
由於雞蛋大細同果醬嘅濃度對麵糊嘅濕度都會有影響,所以加水或奶時要逐少加入,直至攪拌成適當嘅鬆餅麵糊濃稠度。




-
若想自家製作橙皮果醬,可參考柑桔橙皮果醬製法。

久違了的食味


記得我細個嗰陣,媽咪間唔中就會用霸王花煲湯,嗰陣時好鍾意食霸王花㗎,覺得好有質感,特別最鍾意食中心嗰條花蕊,因為特別 滑劣劣,感覺好得意。可能媽咪都知道我鍾意食,所以每次都專登夾條花蕊俾我食㗎!

 



但係唔知點解,之後媽咪一路都無再用
霸王花煲湯,唔知係咪因為無得賣呢?自從我 in charge 個廚房之後,其實我都一直有搵霸王花嚟買,想搵番啲回憶,重溫兒時味道嘛!但真係搵極都搵唔到,可能有但我遇唔到啩,直到最近,卒之俾我見番佢喇!

 


雖然霸王花係乾品,但唔知點解,一見到呢隻霸王花就覺得好新鮮,
而且香氣仲非常濃郁
㖭呀!







見唔見到呀?最面頭嗰條咪就係花蕊囉,真係好滑、好好食㗎!
我今次仲加咗菜乾、猴頭菇、雪梨同雜豆一齊煲,
雖然係齋湯,但都好清甜㗎!

2012年7月17日星期二

喺日本飛過嚟嘅壽司米



Winnie 好耐之前去日本玩嘅時候,送咗包壽司米俾我做手信,點知擺埋之後就完全無咗件事,星期日卒之記得拎番出嚟整壽司喇!



由於包裝袋係用蠟紙做,所以保存得非常好。



你睇,啲米粒粒都脹卜卜,好飽滿,仲好晶瑩通透㖭!







今次仲學人整玉子燒做壽司餡㖭,雖然我無專門用嚟整玉子燒
嘅方形煎 pan,但用普通圓嘅平底鑊煎出嚟效果都唔太
差,有機會再同大家分享一下製作方法啦!

自家製花生醬 Homemade Peanut Butter



噚日 dayoff 喺屋企勁充實,由朝到晚都匿喺個廚房度,整麵包、整花生醬、整日式芝麻將、包餃子做晚餐,真係做到無停手,攰到想死呀!!


 



呢個花生醬食譜其實

Louisa
咗我好耐㗎喇,不過因為食開樽花生醬食極都未食完,無理由又整樽新㗎,所以一直到近排食哂先整囉!

 





材料:

花生     300

  30

 1 / 2茶匙

橄欖油  2茶匙



-
先將花生放入焗爐內用 120 - 140 焗至金黃及香味出,略為攤凍之後就用手將花生衣
  捽走。




-
將去衣花生放入攪拌機內打碎成花生粉末,之後倒入食物處理器內。




-
加入糖及鹽一起攪拌約 2 分鐘,然後靜置約 5 分鐘,等花生油滲出。




-
加入橄欖油,再次攪拌至柔滑即成花生醬。

 


攪緊花生醬時已經聞到勁香,真係想即刻試味呀!





 


味道唔錯,非常香口,不過減糖後仍覺味道略甜,
下次再整就落
20







Notes

-
無焗爐的話,可將花生放白鑊內,用慢火炒至金黃香味出。




-
由於花生粉末密度比較高,食物處理器攪拌時會比較困難,需間中用匙羹將之撥鬆,方便
  攪拌。




- 如果鍾意的話,可以喺完成之後加入花生碎做成粗粒花生醬。

2012年7月10日星期二

坐飛機來港的大馬蒜頭 & 乾蔥頭

Ernest
媽咪話香港賣嘅乾蔥頭唔靚,唔似得喺大馬嗰邊賣嘅咁靚,粒粒都又紅又大。咁 Ernest 外婆喺大馬飛過嚟探佢哋,仲帶埋啲乾蔥頭過嚟,咁我就可以見識一下喇!

大馬賣嘅乾蔥頭真係好靚,果然粒粒都又大又紅,仲好有光澤㖭喎!
右邊
嗰個啡色蒜頭我諗大家喺香港都未見過
有得賣喇,聞落好香㗎!




今晚就用咗幾粒乾蔥頭嚟整豉椒南瓜燜雞翼。

蝦醬肉絲豆腐



早幾日喺「美心」度食 lunch,見到枱面放咗個 promote 緊新菜式嘅廣告牌,其中有一味係蝦醬豬肉蒸豆腐,一見到呢個菜式就即刻諗到 惹味兩個字!


 



我將佢改頭換面成煎豆腐,再加埋金菇就更加正到無朋友啦!


 


材料:

豬肉

實豆腐

蒜蓉

金菇





醃料:





生抽

紹酒

粟粉



 


調味料:

蝦膏

辣椒醬

紹酒





麻油





-
豬肉洗乾淨後切成肉絲,用醃料醃好




-
豆腐切件;金菇切去底部後洗乾淨,備用。



-
燒熱油,將豆腐兩面煎至金黃色,盛起;加入豬肉炒至八成熟,盛起。




-
蝦膏切碎後放白鑊內烘炒至香味出,之後加水、辣椒醬、鹽及糖煮開,再放豆腐入內煮至
  入味。




- 當煮至開始收乾水份時就先將豆腐盛起上碟,然後加入肉絲及蒜蓉兜炒至全熟。




-
最後落埋金菇煮至軟身即可熄火,灑上麻油,兜勻後勺上豆腐上面即成。





唔係賣花讚花香,賣相同味道都真係唔錯,實驗成功喇!







Notes

- 煎豆腐前最好先將水份瀝乾或用抹手紙將水份索乾,否則煎時會不斷彈油。




-
想方便的話,可用蝦醬代替蝦膏,省卻烘炒步驟。




-
金菇切忌煮太耐,會變得非常韌。

2012年7月9日星期一

脆焦糖雪芳蛋糕

吓,冰格原來已經儲咗成大樽蛋白,我最鍾意就係用嚟整雪芳蛋糕,因為唔駛為咗額外用多隻蛋白而去打多隻蛋,咁就唔會多咗隻蛋黃唔知點用好,掉咗去又好浪費,最煩嘅就係蛋黃唔可以放冰格呢!

今次整咗個原味雪芳,其實我都落咗半枝雲呢嗱籽,不過完全食唔到味囉!



 


今次抹 cream 好少少喇,個 cream 唔好打到咁企身就易抹好多,
不過落
rum 酒時一下子收唔切手,攪到稀過頭!




唉,失敗呀!!懶用個打蛋器去攪麵糊,就咁用個膠刮嚟攪就算,
攪耐
咗,攪到個蛋糕變得有少少韌,同埋啲脆焦糖都有
少少溶咁款,可能天氣實在太熱喇!

乾果多士



無整麵包多士好一段時間喇,今次試吓加入提子乾同紅莓乾先。








之前整嚫多士都整唔到頂角,所以我放棄唔玩喇,點知今次又發到咁高,
可能做到頂角都唔定,真係激死呀!





 


一脫模見到金黃色、脹卜卜,好想即刻食喇!




開始掌握到點樣可以將個麵糰搓到有薄膜喇,個麵糰最緊要夠濕,
但係因為我係用 food processor 搓麵糰,唔可以太濕,
所以唯有自己出氣出力多少少喇!





咗加入乾果,今次仲加埋老麵一齊搓,所以個 texture 變得比較煙韌。
加咗乾果之後,連
jam 都唔駛搽已經好好味呀!



 
 
 

2012年7月2日星期一

樂韻春風 50 年

今年係江老師從事聲樂教學 50 周年記念,所以一班師兄弟聯同江樺合唱團團員一齊攪咗個名為「樂韻春風 50 年」嘅記念音樂會,內容係以江老師嘅一生而寫成一部歌劇,講述老師由做電影演員、學習聲樂、遠赴意大利留學、回港演出到從事教學嘅經歷,由學生同團員一同演出,當然,老師都會演唱啦!雖然老師已經年過八十,但係依然寶刀未老,一開腔,所有非常出色兼具知名度嘅大師兄同大師姐都即刻被比下去呀!

 


成晚演出最令我感動嘅,就係老師居然著上和服演唱《蝴蝶夫人》當中最出名嘅詠嘆調 Un bel di,老師一開腔我就即刻喊咗出嚟,因為呢首
aria
可以話係老師
嘅代表作兼成名作。喺 53 年前,老師就俾意大利歌劇院正式挑選擔網演出蝴蝶夫人一角,係當時全球第一位華人女高音演出《蝴蝶夫人》,喺當時嘅西方社會,佢哋都肯俾你呢個華人擔正成套 opera,你話老師佢係咪真係好犀利呢!!!所以對我嚟講,我根本無法想像到可以現場親身聽到老師演唱蝴蝶夫人㗎!!真係實在太興奮、太感動,如果媽咪都在場聽到的話,都一定會有同感。記得當年媽咪知道咗我喺演藝學院讀書時可以跟到江老師學聲樂,佢都非常開心,佢同我講,以前佢後生時喺電台都成日聽到江老師嘅歌,當時已經係好出名,同費明儀老師、 周文珊老師及楊羅娜老師都係香港知名嘅女高音,所以媽咪話佢自己諗都無諗過幾十年後自己個仔都有機會跟到名師學藝!


 


演出完之後各人於台上跟老師合照。







趁老師要招呼其他人時,即刻上台捉住老友 Li Kien 影相先。









要同老師影番張相留念真係一
都唔易㗎,我呢啲咁弱不襟風嘅點夠人爭至得㗎!
於是我同
Li Kien 就唔理咁多喇,一於走埋去 相影!


 

好彩後尾啲人走得七七八八,老師都仲企喺台上同學生繼續影相,
所以我同
Li Kien 一家即刻走過去再影過!





其實我都好想上番堂繼續學聲樂㗎,我始終都係好鍾意唱歌,比起彈鋼琴更加發燒呢!不過奈何依家無時間又無錢,自己身體狀況又唔好,人又蠢,真係都唔敢同江老師開口啦,就算老師唔介意肯教我呢個蠢材,我都怕會激嚫老師囉!哇咔咔咔咔咔 ………


終於都要退役榮休喇!

        一直陪伴我 出生入死咗十幾廿年嘅戰友卒之都要退役榮休喇!


香辣彩椒英式烤餅

前幾日喺街市見到彩椒平番好多,只賣 $6 一盒,如果無老人癡呆的話,記得曾經最貴賣過 $12 㗎,所以今次唔買都真係對唔住自己囉!今次買到呢盒三隻色嘅燈籠椒都幾大隻,所以每隻我都切起 1/4,留起嚟做好耐都無整過嘅甜椒 scone

 


原本食譜應該係用中國嘅蔥嚟整,但係手頭上無,無理由為咗咁走落街
買條蔥咁戇居㗎!所以我就用咗乾蔥頭同蒜頭代替,
但係風味真係好唔同,完全無乜香蔥味!






今次刻意切到大大件,食得更加滋味!








勁多彩椒呀!今次我仲落咗辣椒粉落去整,味道唔錯㗎!





有興趣的話,大家可以參考番香蔥甜椒英式烤餅個食譜嚟整㗎!