2012年6月29日星期五

太客氣了!



有日教緊琴嘅時候,學生 Chamaine 媽咪突然打電話俾我,我覺得好出奇,因為喺社區中心嘅學生好少打電話俾我,心想,更係有急事或特別事喇!


 



原來佢係想話俾我聽,
Chamaine 個考試成績出咗,第一次考試就攞到 disctintion!跟住佢話唔好意思,明知我教緊琴都要即刻打電話俾我報喜,因為佢真係好開心喎!


之後到上課時,Chamaine 同媽咪就話買咗份禮物送俾我,
順便多謝我介紹佢買咗個平價靚琴喎!佢真係太客氣喇!

恭喜、恭喜!

雖然我間中都會整薑醋,但今次唔係我自己整㗎喇,係 Winnie 俾嘢。

 

恭喜 Winnie 又再做姑姐喇!希望 BB 囡能夠開心快樂,健康成長!


紅豆黃豆粉鬆餅

屋企仲有包黃豆粉等住要清,除咗整擂沙湯丸之外,最好就係用嚟整黃豆粉鬆餅,加上早前整咗紅豆餡,今次就攪攪新意思,整番個紅豆黃豆粉鬆餅先!

見到粒粒紅豆,賣相都比上次靚好多。








由於加咗紅豆餡嘅關係,今次將糖嘅份量由 50 30
啱啱好。


 




咗有黃豆粉嘅香濃味外,仲有紅豆餡嘅香甜味。







食譜可參考黃豆粉鬆餅




朱古力慕斯 Chocolate Mousse



呢個朱古力 mousse 又係想整好耐嘅甜品,喺個 To Do List 內已經好一段日子,但遲遲都未動手做,因為一直都想搵個較為 安全嘅食譜。



 



其實朱古力 mousse 食譜唔難搵,真係周街都係,但係每個食譜的用料及做法就真係有好大分別,有啲會淨用打起忌廉,有啲就加咗蛋白霜,有就加入蛋黃,有仲加埋橙酒呀、咖啡等配料,真係五花八門乜都有,而我自己就偏好加入蛋白霜的做法,因為口感輕盈啲,無咁 heavy



 



大部份食譜嘅做法都唔會先將蛋白消毒,直接就加入材料內,咁樣我就覺得有少少驚囉,但係用 Italian meringue 整嘅食譜雖然可以解決呢個問題,但係就因為加入唔少糖去煮糖漿,又怕最終出到嚟個 mousse 會甜到爆,真係好矛盾!



 



最後,我參考
咗好幾個食譜,綜合咗不同嘅材料、用量及做法,完成咗呢個朱古力 mousse

 




材料:

朱古力 150

淡忌廉      125

橙酒   20 毫升


蛋白    100

20

20 毫升





-
朱古力放入微波爐加熱或用熱水座溶後,加入25 淡忌廉拌勻。




-
加入橙酒攪拌均勻,放涼備用。




-
將剩餘嘅
100 淡忌廉用電動打蛋器打至企身。


-
先加入少量打起忌廉與朱古力混合物拌勻,之後再將其餘打起忌廉用膠刮拌勻。




-
將糖同水放入小煲內,加熱至 117 煮成糖漿。




-
用電動打蛋器將蛋白打至起泡,之後將熱糖漿慢慢倒入,邊倒邊用打蛋器打發至九成企身。




-
先加入約 2 湯匙蛋白霜與朱古力混合物拌勻,之後再將其餘蛋白霜用膠刮拌勻。




- 將慕斯倒入容器內,
放入雪櫃,雪約 2 個鐘至挺身即可享用。

 


食之前再額外灑上可可粉,味道更加香濃。



 


好成功呀,質感果然輕盈,正正係我想要做到嘅效果。 






Notes

-
朱古力必須完全攤凍後先可以與打起忌廉混合,否則會將打起忌廉軟化,之後可先放入雪
  櫃保存。




-
蛋白最好預先放至室溫後使用,以免溫度太低,令糖漿加入時立刻凝固成糖粒。

- 建議用 70% 以上朱古力製作,以平衡番糖漿甜度。


-
由於雪凍嘅朱古力會比較硬身,所以食之前最好先放室溫數分鐘,待慕斯稍軟身時食,才可
  品嘗到輕盈口感。

2012年6月23日星期六

海苔豆渣曲奇 Nori & Okara Cookie



仍舊係人腦同病時嘅舊作。





小弟真係好鍾意和菓子食譜,唔係因為我特別鍾意食,而係因為於相對中式或西式甜品,用油量相對地少,甚至係無油份,咁就最啱我喇,除因為我比較忌油之外,整完之後清洗工作特別容易快手。其二係因為我間中都會煮豆漿,剩落嘅黃豆渣我都唔捨得丟,所以我經常都要為佢搵出路,和菓子食譜就用得最多黃豆渣㗎喇,所以絕對唔駛煩點處理豆渣。



 



今次呢個豆渣曲奇,就係用埋上次整完豆渣多士之後仲有剩
豆渣嚟整㗎喇。

 



材料:


牛油   50

低筋麵粉   60



壽司紫菜
      適量


     30

    少許

蛋液  2 湯匙

梳打粉    1 / 2 茶匙

    1茶匙

黃豆渣     60



-
牛油室溫放軟;麵粉過篩 3 次;紫菜放入攪拌機內打碎。


-
將牛油同糖混合好,之後加入鹽及蛋液,均勻攪拌。


-
梳打粉加水調勻,倒入蛋油混合物內拌勻。


-
麵粉同豆渣分次加入,攪拌成麵糊。


-
用匙羹將適量麵糊勺上已鋪牛油紙嘅烤盤上,之後再喺麵糊表面灑上少許紫茶碎。


-
放入已預熱至 180 嘅焗爐內,焗約 15 分鐘,出爐後放上架上攤凍。

食譜出自小 松本 太太嘅《日式和菓子》。

 



 

可能因為有豆渣嘅關係,曲奇比較易變軟,所以最好都係即做即食。





Notes

-
原食譜糖嘅用量為 50




-
想方便的話,可到日式超市買現成海苔粉。




-
蛋液最好少量多次加入糖油混合物內,避免油水分離現象出現。

蟲草花素腐皮卷



如果話每個人嘅生日係「母難日」,咁逢端午節就應該係我嘅「兒難日」!



記得媽咪仲係住喺醫院時,西醫已經 放棄佢,將佢轉介到中醫部,當 時 醫師都話佢身體非常差,咁媽咪就問佢可以食啲咩,醫師話最好食冬蟲草。我哋兩母子聽完當然即刻無哂反應啦!之後媽咪即刻同醫師講,我哋負擔唔起,有無其他嘢可以代替,醫師就話可以用北芪代替,但我倆都心知效果差得遠。



 



之後我都有去過睇冬蟲草嘅價,原來下價貨色價錢都唔係想像中咁 惡哽,當時約 $28XX 一兩已經有交易。我返屋企同媽咪講,點知佢話叫我唔駛買喇,咁平 一兩 嘅冬蟲草肯定作用唔大,叫我唔好亂洗錢喇!其實當時媽咪已經知道自己無可能逆轉劣勢,食乜都無用,加上佢知道之前我已經為咗佢洗咗唔少錢同心機,反正自己始終都係要走,倒不如叫我儲起啲錢留番以後生活。

媽咪,
今日我特登用蟲草花為妳做咗呢個素腐皮卷,希望妳收到我份心意!

 



材料:

蟲草花

素雞

冬菇

甘荀

鮮腐皮





調味料:

五香粉

鹽焗雞粉





素蠔油





-
蟲草花略沖洗後瀝乾水;素雞切條;冬菇用清水浸軟後切絲;甘荀刨皮後切絲。


- 燒熱油,將以上材料全部落鑊,加入五香粉及鹽焗雞粉,兜炒片刻。


-
加入其餘調味料,兜抄均勻後加少量水,冚上鑊蓋煮至入味及收乾水份後盛起。


- 將鮮腐皮對摺,之後將煮好餡料放上,將鮮腐皮捲起包好,放上已墊牛油紙嘅碟上。


-
隔水蒸 5 - 8 分鐘即可。



腐皮卷味道清淡,餡料口感層次豐富,係熱天時最啱食嘅涼菜。



除咗腐皮卷,我仲整埋甜酸齋鹵味,以表自己心意。
祝願媽咪喺西方極樂早日修成正果!





Notes

-
可用乾腐皮代替鮮腐皮,但之前先要用濕布抹一抹腐皮,然後搽上清水或煮餡料時剩餘嘅汁
  料,令腐皮軟化,方便摺疊,蒸嘅時間亦要加長。




-
想縮短冬菇浸軟嘅時間,請參考《浸發冬菇方法》。




-
腐皮卷雪凍後會變得比較挺身,方便切開之餘更可保持形狀。

2012年6月20日星期三

自製手工番梘

哋唔好以為我癲到連番梘都要自製呀,睇真啲,呢篇 blog under「物重情更重」㗎!

 




其實呢兩嚿番梘係老竇個 friend 送俾我哋試用嘅,佢係不嬲都有整手工番梘嚟賣㗎!上面貌似綿羊嚿係用馬油嚟做嘅;而下面疑似 Hello Kitty 嚿就係用黑糖嚟做。用過之後都覺得幾好用,不單只用後清爽,而且唔會整到啲皮膚好乾,唔怪得之依家有咁多人都學習自製手工番梘啦!


反沙芋粒

星期日 Lily 嚟學琴,之後仲要將所有考試歌全部彈一次俾 Winnie 聽,因為就快要考試之餘,仲要佢見多啲 世面,皆因佢係勁 騰雞,就算對住我呢個識咗三十幾年嘅老表彈琴都會手騰腳震,完全發揮唔到應有水準,咁妳話點得呢!



知佢到時彈俾 Winnie
聽時一定會驚到
鼻哥窿
都無肉,所以整定佢至鍾意食
嘅反沙芋頭俾佢定一定驚至得!!

 
因為唔係好夠白糖用,所以今次就用咗冰糖嚟整,雖然照樣整到
反沙效果,但係啲糖就比較硬少少,不過甜味就比較清爽。







今次試試切細粒嚟炒,果然比起芋條好炒好多,唔駛成日驚住炒到斷哂!





想要食譜的話就睇番《反沙芋頭》啦!

2012年6月13日星期三

豆腐雪芳蛋糕 Tofu Chiffon Cake

Ernest 媽咪整雪芳蛋糕整得咁開心、咁滿足,我都唔執輸,整番個豆腐雪芳先!噚日拎咗一個去探伯伯同伯娘。


 





材料:

低筋麵粉  
80

豆腐
 
      120

    60

蛋黃   3


橄欖油    
25
毫升


蛋白   4




-
麵粉過篩
3
次。



-
蛋白用電動打蛋器打至起泡,將 40
3
次加入,打成蛋白霜,暫存於雪櫃內。



-
將剩餘 20 糖加入豆腐內,用打蛋器攪拌均勻。




-
加入蛋黃,與豆腐完全混合後再落油均勻混合。




-
篩入麵粉,用膠刮將材料拌勻成麵糊。




-
先將 1/3 份蛋白霜拌入麵糊內,完全混合後就將其餘蛋白霜分次加入拌勻。




-
麵糊倒入模內,放入已預熱至 180
嘅焗爐內,焗約 30 分鐘。



-
出爐後立即將模倒扣放涼,攤凍後即可脫模。




以上材料份量可做直徑
17  1



 


食譜出自福田淳子嘅《好吃戚風蛋糕輕鬆上手》。


 






可能因為加入豆腐嘅關係,今次個雪芳蛋糕非常軟滑,
有淡淡豆腐清香之外,仲有香濃蛋味。







一連整咗
4 個迷你蛋糕,一個拎俾伯伯,一個自己食,
其餘兩個俾老竇送俾老友。





Notes


-
原食譜材料用量:糖 70 40




-
將蛋白霜拌入麵糊時必須輕手,避免破壞蛋白霜內嘅空氣,影響烘焗效果。




-
由於豆類製品非常之易變壞,若果唔係即時食用的話,最好放入雪櫃內保存。

2012年6月8日星期五

紅莓朱古力雪球 Cranberry Chocolate Snow Ball



除咗 Winnie 之外,身邊人大都鍾意食朱古力,尤其係細路,所以整嚫糕餅請人食都多數係整朱古力味。



Snow ball
算係易整嘅曲奇之一,無乜太大難度。今次整嘅朱古力味雪球同上次有少少分別:上次係整好原味雪球之後再滾上朱古力粉;今次就直接將朱古力粉加入粉料內一齊搓成糰,仲額外加埋酒漬紅莓乾㖭。

 




材料:

紅莓乾    
15

君度橙酒   適量

低筋麵粉  120

朱古力粉   30

杏仁粉     30

糖霜   40

   少許

牛油   60

固體菜油   30




-
紅莓乾剪碎,之後加入適量橙酒醃過夜。




- 除牛油及固體菜油之外,將其餘材料全部混合好。




- 將凍牛油及固體菜油加入粉料內,用手指將油捽入粉料內,然後輕手揉成麵糰。




- 用保鮮紙將麵糰包好,放入雪櫃雪 2 個鐘。




- 拎出麵糰,分成每個重 10 嘅小麵糰,分別搓圓後放上已鋪牛油紙嘅烤盤上。




- 放入已預熱至 180 °C 嘅焗爐內焗約 18 - 20 分鐘。




- 出爐後趁熱灑上糖霜(份量外),攤凍後再灑多少量糖霜即成。




以上材料份量可做
雪球約 30


 
咁樣整法嘅 snow ball,朱古力味當然濃好多,再加埋紅莓乾,
口感多一種層次。



 
細細粒,容易食,一啖一粒,啱哂小朋友!





Notes


-
加入少量
固體菜油可令成品更鬆脆,亦可全用牛油製作


-
大多數食譜都會建議將凍牛油先切粒,然後再捽入粉料內,但我自己就習慣將整嚿牛油
  加入,相比起牛油粒,保冷能力更加高,麵糰無咁易軟化。


-
若紅莓乾並無完全吸收哂所有橙酒的話,必須將紅莓乾徹底瀝乾後才放入麵糰內。



-
如果因天氣太熱而導致搓好嘅小麵糰軟化的話,可以先將整盤麵糰放入雪櫃度雪約 15 - 30
  分鐘,等到麵糰再次變得硬身後才入爐焗


-
想方便快捷的話,可將所有材料直接放入
食物處理器內打成麵包糠狀,然後再用手揉成
  麵糰。



-
大家亦可參考番三色雪球食譜,用一份麵糰做出多種口味嘅方法。

2012年6月6日星期三

法式紅酒燴梨 Poire Au Vin Rouge

       水果甜品系列最後一擊:法式紅酒燴梨。呢個法式甜品都係第一次食,比想像中好食好多哦!
 

頂唔到角嘅方包

呢個麵包多士又係 壞腦前嘅作品。




今次試吓玩頂角方包,可惜又係失敗!!







其實發酵緊
嗰陣,我都完全無咗件事,發到已經十成滿,頂到個多士模蓋
都開唔到,以為今次實成功啦,點知都係唔掂,我懷疑緊係咪因為
我個爐無發熱線嘅緣故,單靠熱風同石英管係做唔到效果。


 



唔理咁多喇,頂唔到角都係照食㗎啦!預先整好碎蛋吞拿魚醬,
切件後即刻食得。新鮮出爐熱辣辣嘅麵包真係超正呀!

 




詳細材料份量及製作過程,請睇番之前嘅《湯種白麵包多士》啦!


2012年6月4日星期一

玻璃密實盒



前日睇報紙見到「實惠」賣廣告,$ 55 個玻璃密實盒,立即對佢好有興趣,皆因我一向都好鍾意用玻璃同不鏽鋼的器皿,貪佢方便清洗又唔易染色。於是我就叫老竇得閒去「實惠」𥄫𥄫,睇睇質素如何再決定買唔買。



 



噚日放工返到屋企已經見到兩個玻璃盒放喺枱面呀!





呢套密實盒真係超抵,一個 1000 ml 容量;另一個就 580 ml 容量。
不過最吸引到我買嘅原因係佢可以入焗爐,真係好少有,
而且條膠邊又非常密氣,呢次執到荀貨喇!

2012年6月3日星期日

金寶蘋果批 ( 附 oat streusel crumble 做法)

        繼續水果甜品系列,今次係我好鍾意嘅金寶蘋果批。

        剛過去嘅禮拜一,我同
Winnie 約咗 Keith Miss Cheng 一齊 犯罪(飯聚),每次見面我都必定會整一樣嘢食帶過去一齊分享。因為 Winnie 都加入咗做 阿茂行列,所以佢今次都整咗個芒果 mousse,而我就整咗呢個金寶蘋果批。




南瓜雜菌意大利燴飯

早前喺 Facebook 度見到 Lily
話去「Towngas
Avenue
」食 risotto搭爹咗幾句,之後發覺自己都好耐無整 risotto 喇,所以就應承整俾佢食,佢見到我留言話整咗
risotto
俾佢今朝上堂前做早餐,佢跟住就回覆:「Spendid!!」

 
risotto 料包括煙肉、牛肝菌、姬松茸、冬菇同南瓜,
加入清雞湯同浸菇菌水一齊煮,香到呢……


 

Lily 就話菇味香濃,不過就鍾意食濕少少嘅飯,我就反而鍾意乾身少少。


過往煮過risotto

南瓜意大利燴飯

雜菌意大利飯