2012年6月20日星期三

反沙芋粒

星期日 Lily 嚟學琴,之後仲要將所有考試歌全部彈一次俾 Winnie 聽,因為就快要考試之餘,仲要佢見多啲 世面,皆因佢係勁 騰雞,就算對住我呢個識咗三十幾年嘅老表彈琴都會手騰腳震,完全發揮唔到應有水準,咁妳話點得呢!



知佢到時彈俾 Winnie
聽時一定會驚到
鼻哥窿
都無肉,所以整定佢至鍾意食
嘅反沙芋頭俾佢定一定驚至得!!

 
因為唔係好夠白糖用,所以今次就用咗冰糖嚟整,雖然照樣整到
反沙效果,但係啲糖就比較硬少少,不過甜味就比較清爽。







今次試試切細粒嚟炒,果然比起芋條好炒好多,唔駛成日驚住炒到斷哂!





想要食譜的話就睇番《反沙芋頭》啦!

3 則留言:

  1. 原來反沙芋頭係可以定驚架..咁好過食驚風散啦...
    [版主回覆06/22/2012 18:59:55]係呀係呀,食反沙芋真係可以定驚㗎,好過食鷓鴣菜啦!
    都唔係好煩呢,我又唔用油炸,將芋頭粒撈好油就放人焗爐焗,都唔駛理佢囉!之後煮糖漿再炒至反沙就得喇!

    回覆刪除
  2. 嘩嘩⋯呢個好鬼難整喎!兜到手都軟芋頭又整夠粉至正
    [版主回覆06/22/2012 18:56:33]都唔係呀,好快手就攪掂喇,我表妹睇住我整都話唔難,而且唔駛用好耐時間。

    回覆刪除
  3. 緊張大師-小女人2012年6月21日 上午7:01

    幸好我唔鐘意食芋頭要不是又會整的,我唔知點解愛蕃薯但芋一點興趣也沒有
    [版主回覆06/22/2012 18:57:04]我愛番薯,更愛芋頭!

    回覆刪除