2014年3月27日星期四

菠菜莎樂美鹹蛋糕 Spinach & Salami Cake

        原來圖書館都有唔少鹹蛋糕食譜,今次又借咗本返嚟參詳參詳,呢本食譜比起之前我整過鹹蛋糕食譜更加好,唔使用淡忌廉,更加健康之餘又可以用少樣材料。 
 
 

2014年3月23日星期日

好心有著數

       噚日突然間提早收工,返到屋企時特登早一個站落車去商場買少少嘢,點知去到入口俾個男人截住,話可唔可以幫「領匯」做過問卷調查,我問佢要幾耐,佢話只係幾分鐘,見唔係太長,就幫吓人啦,我都知呢份工作唔易做,唔係人人肯接受,反正早咗放工有時間就幫吓佢啦!成份問卷做完哂之後,佢突然俾張 coupon 我,話多謝我接受訪問喎,哈,呢勻真係好心有著數!



2014年3月21日星期五

給 Ernest 的 Brownie

        我成日都話,無電腦又煩,有電腦一樣咁煩,有起事上嚟,除咗唔識 佢之外,分分鐘仲攪到一頭煙之餘,可能好多資料都無哂!但原來屋企個工人姐姐,同部電腦都係一樣,無又煩,有就更煩!

 
        話說 Ernest 屋企之前好做得嘢嗰個姐姐唔做之後,搵極都搵唔番一個識做嘢兼醒目學到嘢嘅工人,Ernest 媽咪俾佢哋激到佛都有火!以前個姐姐真係算叫做好幫得手,乜都會做,連整麵包西點都學識。前兩個星期見到 Ernest 媽咪依家攪到要出街買麵包俾個仔食咁慘,反正依家我又有部麵包機喇,唔使下下自己嘥時間落手整,所以上個禮拜去教 Ernest 時就順手帶嚿麵包多士過去俾佢哋,唔使食街買 化學包咁慘啦!點知 Ernest 突然間問我,個麵包係咪送俾佢嘅生日禮物,我聽到抓哂頭,後尾佢話原來佢係 3 月唔知幾多號生日 ( 原諒我又老人癡呆哦 ),咪以為係生日禮物囉!


        細路仔夠哂天真,童言無忌,既然你唔覺意爆響口話自己生日,咁我聽到都會識做嘅!
 
 

2014年3月20日星期四

泡菜青瓜炒肉筋

        講開用瘦肉煲湯,都想順便同大家分享少少嘢。
       
        平時我係去超市買豬肉嘅,唔會去街市肉檔度買,因為媽咪以前都係咁做,佢話比較衛生啲喎!天氣凍時都無乜所謂,但係天熱時就比較危險,街市又濕又熱,啲豬肉就咁掛哂喺度,好易變壞,佢話好多時買嚿豬肉返屋企,會聞到一 怪味,應該係變壞,所以媽咪之後都改咗去超市買,包裝好嘅豬肉會放雪櫃,即使掛喺架上嘅豬肉都唔使驚,超市有冷氣嘛!
 
        每次同阿姐講要瘦肉煲湯,佢都會俾嚿豬扒我,話煲湯甜好多,但係煲完就會好嚡囉!嚿豬扒面係有一層白色嘅嘢,其實我係唔知乜嚟,又有好多脂肪,所以我必定切走先用嚟煲湯。有次我多口試吓叫阿姐跟手幫我切走埋嗰層,點知阿姐話呢塊係筋嚟㗎喎,就算佢切走咗,之後又連嚿肉包埋一齊俾我,心諗,唔通呢塊係正嘢!?為咗做實驗,自此之後我都會連少量肉切起,之後放入冰格保存,久而久之,已經儲咗一大袋,我就可以做實驗,試吓用嚟炒,點知好有驚喜喎,肉質又爽又腍,好有食豬頸肉 feel,但價錢就差得遠囉,呢個肉筋只係下欄嘢!
 

花旗參雪梨煲瘦肉湯

        自從唔食得涼嘢之後,自己都會好小心飲食,費事食完就即刻痾,喺屋企都好啲,喺街的話就真係煩,如果搭緊車嚮屯門公路塞緊車的話,咁就慘囉,嗰程車就好似搭咗十年咁耐,搭極都未到!
 
        所以呢六、七年嚟都謝絕涼茶呢樣嘢,洛神花就更加唔敢再掂㖭呀!之但係我又好鬼鍾意食辣嘢,又唔飲得涼茶,呢排仲成日生飛滋,脷面、脷底、嘴唇接住咁嚟,都係要攪一攪佢。用個溫和少少嘅方法,雪梨加花旗參煲湯吧!雪梨清潤、花旗參清熱,應該會有啲效啩!
 
 

2014年3月17日星期一

和風朱古力蛋糕

        一直都好想用朱古力整嘢食,但係諗起要溶朱古力又多一個步驟,又要洗多幾件用具,尤其係早排咁凍,仲要濕住凍水洗多幾件,真係咪攪我喇,諗起都即刻無 mood 整!
 
 

2014年3月13日星期四

胡椒鹹菜蘿蔔湯

        嘩,今日又試回南天,濕到阿媽都唔認得!真係無誇張呀,咁鬼死大霧,真係阿媽企遠少少都睇唔清個樣呀,哇哈哈哈哈 ~ ~ ~ ~ ~
 

        咁嘅天氣,我當然即刻遭殃啦!不過好彩都未算係好嚴重,快啲整番個胡椒湯袪吓濕至得!

 

2014年3月12日星期三

蒜香脆麵包粒 Croutons

        前幾日個 試機包因為係用直接法整,所以老化得比較快,變得比較乾嚡。平時有嚫隔夜麵包我都係會整麵包布甸或者煎西多,但係次次都係整呢兩樣,整得多都悶!啱啱學識咗整 croutons,以後隔夜麵包又多個出路喇!
 

        上網見到好多網友都各施各法,睇埋 Youtube 就仲多變化,最後我就綜合咗好幾個我認為比較好嘅方法嚟集大成,效果唔錯,真係又香又脆呀!


 


2014年3月9日星期日

陳醋雜豆普羅旺斯燴雜菜 Balsamic Roasted Ratatouille with mixed Peas

       曾經睇過 Ernest 媽咪一本 Women’s Weekly 食譜,裡面有個改良咗嘅 Ratatouille 食譜幾吸引,同傳統做法有少少唔同,今日就參考咗佢部份材料同做法去整,味道超正,我覺得仲好味喎!
 

麵包機

        卒之都係死死氣買咗部 P 仔呀!
 
        其實一直都掙扎緊買唔買麵包機好耐,因為其實依家用部 food processor 做前期搓麵糰功夫都 OK,只不過係有時麵糰太濕的話就會呢咁 hea,甚至捲入機內,所以如果能夠整唔係太濕嘅麵糰的話,可以唔使買住。但係好多時候都無時間整包,你知啦,整嚫一次包起碼都要預成 34 粒鐘,天氣凍的話仲唔只㖭!加上最近頭痛發作頻密咗,有時明明無事,但出氣出力搓完包之後就即刻嚟料,所以都唔敢 輕舉妄動
 
       近排都比較黑仔,好多學生都因為準備中六文憑試、移民外國、大學畢業後出嚟做嘢無時間練琴等原因而停學,所以近呢幾個月都入不敷支,所以即使係要買麵包機的話,都應該係買部本地貨玩住先。但點解突然又會買部咁貴嘅呢!
 

2014年3月6日星期四

久未露面的蒸蛋糕

        繼上次個 pizza 之後,又一久違之作!
 

辣炒三爽

        今晚整咗個超簡單嘅餸,但又非常好食兼健康,仲口感超爽脆呀!
 
 

2014年3月3日星期一

罐頭番茄粒 & 枝裝茄膏

        上星期趁仲係正月,約埋 Winnie 一齊去同老友 Louisa 拜年,每次大家見面都會整嘢食,做阿茂。除此之外,就係入貨上倉,又買 cream、又 粉,拎到好似走難咁由新界東大遷徙到新界西!