法式紅酒燴梨 Poire Au Vin Rouge

       水果甜品系列最後一擊：法式紅酒燴梨。呢個法式甜品都係第一次食，比想像中好食好多哦！

 

材料：
啤梨             2 個
紅酒             約 300 毫升
檸檬汁          適量

糖                 35 克
肉桂枝          1 小段
八角              1 粒
丁香              5 粒
橙皮             適量
雲呢嗱枝      1/2 條

- 啤梨批皮後切開一半，去蒂去芯。

- 將紅酒、檸檬汁及糖倒入小煲內，開火加熱煮至糖溶。

- 將其餘材料全部加入，煮滾後轉慢火煮多 5 分鐘。

- 熄火後原煲攤凍，之後放入雪櫃，至少雪 12 個鐘，等啤梨可以充份入味。

- 食之前再放番上火煮至微暖即可。

 
 
 

可以將整個去皮啤梨放入煲內煮，但中心會比較難入味。

切半後嘅梨完全染成紅色，非常入味。

 

 

我一向都唔太鍾意飲酒，覺得好難入口，但係呢個加入咗香料

一齊煮過嘅紅酒就易入口好多，而且酒精已經完全

蒸發哂，飲多多都唔駛怕會醉！

 

 

 

 

 

 Notes：
- 除啤梨外，其他梨亦可用嚟製作此甜品。

 

- 紅酒份量以完全蓋過啤梨為準；糖嘅用量則可視乎個人口味而增減。

 

- 可選用已將雲呢嗱籽刮出嘅雲呢嗱枝，香味依然足夠。