2012年6月6日星期三

法式紅酒燴梨 Poire Au Vin Rouge

       水果甜品系列最後一擊:法式紅酒燴梨。呢個法式甜品都係第一次食,比想像中好食好多哦!
 

材料:
啤梨             2
紅酒             300 毫升
檸檬汁          適量
                 35
肉桂枝          1 小段

八角              1
丁香              5
橙皮             適量
雲呢嗱枝      1/2

- 啤梨批皮後切開一半,去蒂去芯。

- 將紅酒、檸檬汁及糖倒入小煲內,開火加熱煮至糖溶。

- 將其餘材料全部加入,煮滾後轉慢火煮多 5 分鐘。

- 熄火後原煲攤凍,之後放入雪櫃,至少雪 12 個鐘,等啤梨可以充份入味。

- 食之前再放番上火煮至微暖即可。
 
 
 

可以將整個去皮啤梨放入煲內煮,但中心會比較難入味。
切半後嘅梨完全染成紅色,非常入味。
 

 


我一向都唔太鍾意飲酒,覺得好難入口,但係呢個加入咗香料
一齊煮過嘅紅酒就易入口好多,而且酒精已經完全
蒸發哂,飲多多都唔駛怕會醉!
 
 
 
 
 
 Notes
-
除啤梨外,其他梨亦可用嚟製作此甜品。
 
- 紅酒份量以完全蓋過啤梨為準;糖嘅用量則可視乎個人口味而增減。
 
- 可選用已將雲呢嗱籽刮出嘅雲呢嗱枝,香味依然足夠。

 
 

 

3 則留言:

  1. 呢味我又係淨係煮唔多鐘意食...
    [版主回覆06/14/2012 00:11:24]咁煮完邊個食?

    回覆刪除
  2. 緊張大師-小女人2012年6月8日 上午8:22

    朋友你好忙呀,不知為何我總喜歡吃梨但不會弄熟才吃,又加其他甜味好怪,但相信一定好味,因為好多人鐘意吃
    [緊張大師-小女人回覆06/28/2012 21:39:05]係,好好珍惜,幸好我學懂了,感恩惜恩謝恩.
    [版主回覆06/27/2012 21:25:03]撞鬼妳咩,仲要慢慢捱,梗係早走早著好啦!
    係咁化學㗎喇!所以要學懂珍惜囉!
    [緊張大師-小女人回覆06/18/2012 10:54:55]我真係唔識講野......你要長命D呀,我仲要跟你學好多糕點架?起碼你手藝好過我少少,咁你無咁忙就抽時間整給我們睇下啦.
    你講開死,朋友五十多嵗,昨天父親節約好一齊食飯(因她的囡囡是我老公契女,老公同她們夫婦係小學同學,在肚內已話係女就上契仔就唔要)點知昨天突然入院,懷疑有先兆會爆血管,好驚呀?人真係講唔埋,但老師你會撐下去的,慢慢去捱世界呀.知道嗎?保重
    [版主回覆06/18/2012 01:01:25]我又點會介意呀,妳又唔係講我壞話!
    妳呢句 "我仲想睇你整好多好味既菜式糕點架" 好攪笑,就咁單獨睇呢句說話,仲以為我已經命不久矣,妳要講呢番話嚟激起我鬥志,要我繼續撐落去,唔好咁快死住!!
    [緊張大師-小女人回覆06/16/2012 08:48:19]不要介意我只係講笑咋,你要打理家務又真係幾忙既,好好保重呀,我仲想睇你整好多好味既菜式糕點架
    [版主回覆06/15/2012 22:18:57]其實我學生唔多,比起同行,我嘅收入簡直小得可憐!查實係因為我又要返工,又要打理屋企,所以唔夠時間用囉!
    [緊張大師-小女人回覆06/14/2012 07:36:47]小心保重呀,咁忙那不是好好生意嗎?你咁好學生一定好鐘意你,努力啦亞Sir
    [版主回覆06/14/2012 00:02:06]近排都真係幾忙,大把嘢等住我做:
    要追寫 blog、覆番 blog 友留言、探 blog 友……喺圖書館借咗幾本食譜都無時間將有用嘅 scan 起,就嚟續借 quota 都無埋喇!
    呢個法式甜品真係好多人鍾意食,不過如果唔鍾意香料的話,咁就未必喇!

    回覆刪除
  3. 加埋球雲喱拿雪糕仲正呀
    [版主回覆06/13/2012 23:57:48]妳都幾識食㗎喎!

    回覆刪除