儲吓儲吓，冰格原來已經儲咗成大樽蛋白，我最鍾意就係用嚟整雪芳蛋糕，因為唔駛為咗額外用多隻蛋白而去打多隻蛋，咁就唔會多咗隻蛋黃唔知點用好，掉咗去又好浪費，最煩嘅就係蛋黃唔可以放冰格呢！
今次整咗個原味雪芳，其實我都落咗半枝雲呢嗱籽，不過完全食唔到味囉！
今次抹 cream 好少少喇，個 cream 唔好打到咁企身就易抹好多，
不過落 rum 酒時一下子收唔切手，攪到稀過頭！
唉，失敗呀！！懶用個打蛋器去攪麵糊，就咁用個膠刮嚟攪就算，
攪耐咗，攪到個蛋糕變得有少少韌，同埋啲脆焦糖都有
少少溶咁款，可能天氣實在太熱喇！
咁你記唔記得留左幾多個蛋白架....燉蛋白都好呀..唔使咁煩
回覆刪除d cream見到都覺好稀咁流緊落黎呀..依家天氣未到最後關頭都唔好拎焦糖出黎呀..雪到石仔咁就0岩啦.
[版主回覆08/03/2012 19:19:23]但係食 marcaron 又係覺得好甜喎！
我見 Nigella 整都係狂落熱情果，但我自己唔係太好呢隻果，同埋唔容易買到！
[毛豆回覆08/03/2012 18:34:22]凡係蛋白一定勁加糖先打得起，馬卡窿咪一樣！
唔係狂加檸檬，而係配勁多百香果食
[版主回覆08/03/2012 18:13:39]原來 "芭蕾舞" 好甜㗎！勁落檸檬至得囉！！
[毛豆回覆07/10/2012 23:17:01]即係同燉蛋一樣之麻, 冇黃咪開正你果飯超健康又清淡啦..
芭蕾舞鬼死咁甜超多糖呀..你要準備定大堆百花果先得, 鋪勁厚係面, 解甜.
[版主回覆07/10/2012 16:32:59]講真，我真係唔記得個樽裡面有幾多隻蛋白喇，我只係每次用都用磅量住，每隻蛋白重 30g 咋！
燉蛋白？同整燉蛋一樣嗎？都幾好咁喎！我諗住搵次整妳個心頭好呀，嗰個 "俄國芭蕾舞家" 呢！
係囉，我老竇一食落口都話好稀呀！脆焦糖倒咗出嚟之後攤凍時，可以放雪櫃咩？我試過一次喺雪櫃拎出喺之後表面佈滿水珠，跟住就溶喇！
我以為係你買嘅添 !
回覆刪除[版主回覆08/03/2012 18:10:00]點會呀，整得咁樣衰，如果真係買返嚟的話，咁嗰間 cake shop 都摺得囉！！
天使蛋糕呀~
回覆刪除[版主回覆08/03/2012 18:12:01]可以咁講啦！
不過其實真正嘅天使蛋糕應該係用純蛋白，唔會用蛋黃，我估「美心」因為推出一黑一白款式，所以先改個名做天使蛋糕同魔鬼蛋糕！