韓式泡菜煎餅 Kimchijeon ( 김치전 )

        見好耐都無用泡菜嚟整嘢食，今日又試吓用嚟整煎餅。

 

 

材料：
洋蔥
韭菜
泡菜
醃泡菜汁      3 湯匙
水                 60 毫升
糖                 1/2 湯匙
鹽                 1/2 茶匙
中筋麵粉       60 克

 

- 洋蔥去衣；韭菜洗乾淨；泡菜瀝乾醃汁，之後全部材料切碎。

 

- 將所有材料拌勻成麵糊。

- 燒熱平底鑊，落油，倒入麵糊，將底部煎熟。

- 將煎餅翻轉，煎至香脆，之後再翻轉多一次，再煎香脆即成。

食譜原本係無用到韭菜，但因為今晚包水餃，買一紮

韭菜都用唔哂，所以就切少量落去一齊煎。

我唔識得拋鑊，唯有用鑊鏟翻轉煎餅，攪到有少少爛！

Texture 有啲似中式薄罉，外脆內軟，

不過口感就比薄罉黏少少。

整得韓國食品，梗係跟 Maangchi 姨食譜啦！