金寶焦糖蘋果磅蛋糕

上個禮拜初一時，換咗幾個供佛蘋果落嚟，一心諗住整焗金寶蘋果做甜品，之但係個腦突然間又閃一閃咗個焦糖蘋果磅蛋糕出嚟，攪到我心大心細，都唔知整邊個好，後來把心一橫，索性將兩個食譜 combine 埋一齊，一次個滿足哂我兩個願望，嘻嘻！

呢個整法超好食，口感非常豐富：蛋糕鬆軟、蘋果腍甜、金寶酥脆。

 

唔知點解呢幾次整嘅磅蛋糕個質地都好鬆軟，誇張啲講句真係偏向
雪芳蛋糕質感，唔知係因為用咗法國發酵牛油嘅關係，
定係因為減咗牛油份量，所以成品無咁紮實呢？

 

磅蛋糕最啱就係配一杯紅茶，可以減輕蛋糕嘅甜膩感覺。

有興趣整的話，可參考《肉桂焦糖蘋果蛋糕》及《金寶蘋果批》食譜。