泰國手信

        其實我一直都唔多朋友，因為我一向都好揀擇、好小心，宗旨係寧缺莫濫，重質不重量，好嘅話一個已經好足夠！尤其係當知道自己原來係有病之後，就更加懂得點去選擇人溝通，溝通唔到嘅，避得就避，以免影響自己，要學識自保！

 

        我依家嘅朋友，大部份都係由學生或學生家長關係開始，大家相處耐咗，溝通得到之餘又能夠彼此了解及關心的話，大家就會變為好朋友。之前收到嗰份驚喜加感動嘅禮物，送俾我嘅人就係由學生變成好友；今次送俾我呢份手信嘅人，就係由學生家長變成好朋友，佢每次去旅行都必定會買一份手信送俾我，真係好有我心！而呢位好友本身係一位護士，由我媽咪當年發病，到今時今日自己有事，佢都有俾到我合適意見同幫到我好大忙呢，真心要感激呢位好朋友！！

 

 

多謝哂妳送俾我嘅手信，超鍾意呀！！ :x