今年過年無整到蘿蔔糕，因為 Ernest 爹啲俾咗張蘿蔔糕及年糕券我，咁我當然就係懶得就懶啦！！
上個星期突然之間好想食蘿蔔糕，咁所以咪即刻走去買蘿蔔整嚟食囉！
我自己始終都係鍾意食蒸蘿蔔糕多啲，一來無咁油膩，
二來咁整先可以食到蘿蔔嘅原味同清甜。
除咗蝦米，今次仲加咗蝦乾落去㖭，所以味道更加鮮味哦！
自己整就梗係真材實料啦，絕對唔係好似喺出面食咁
成碗都係粉多過蘿蔔，攪到個 texture 死死實咁！
想試試自己動手整嗎？睇番《蒸蘿蔔糕》裡面個做法啦！
與 blog 友交流煮食心得，分享生活點滴。
我自己始終都係鍾意食蒸蘿蔔糕多啲，一來無咁油膩，
二來咁整先可以食到蘿蔔嘅原味同清甜。
除咗蝦米，今次仲加咗蝦乾落去㖭，所以味道更加鮮味哦！
自己整就梗係真材實料啦，絕對唔係好似喺出面食咁
成碗都係粉多過蘿蔔，攪到個 texture 死死實咁！
想試試自己動手整嗎？睇番《蒸蘿蔔糕》裡面個做法啦！
用碗你仲好，細細個!
回覆刪除[版主回覆05/03/2013 01:26:50]係呀，食完之後洗都方便啲！
你連埋呢個碗一齊蒸嗎?乜物料?我不太明蘿蔔糕但都會食,你呢碗吸引我喎.你只弄了一碗嗎?有無多碗呀?
回覆刪除[版主回覆05/03/2013 01:29:44]係呀，咪都係普通瓷 / 瓦碗咋嘛！
"我不太明蘿蔔糕但都會食" 咩意思？
食譜個份量可以整到兩湯碗㗎，我只係拎其中一碗嚟影相，另一碗老竇已經食緊嘛！
我麻麻哋蒸蘿蔔糕, 我鍾意乾煎蘿蔔糕多D
回覆刪除[版主回覆05/03/2013 01:31:02]我就係嫌煎蘿蔔糕太香口囉！我由細到大都唔太好煎炸食品，最好唔好叫我整㖭啦！
個樣超吸引吩呀.. ..攪到我好想食添！
回覆刪除[版主回覆05/03/2013 18:12:13]整啦，呢個容易整過要煎嗰隻呀！
呢個濕濕哋即蒸即食好味!
回覆刪除[版主回覆05/04/2013 20:36:27]係呀，熱辣辣，呢輪天氣稍涼，好啱食呀！