失魂到爆！！

        前幾日整嗰啲貝殼蛋糕都幾乾身，整好出爐後即食就無乜事，但因為之後要趕住出去教琴，所以就由得佢放室溫攤凍，教完返嚟先再放入密實盒，返到屋企入盒時又食多件，已經發覺比較乾，以為係因為天氣實在太乾燥所致。

 

        到噚晚再整第二輪時，發覺今次用嘅油量點解同上次唔同，check 真啲之後，大鑊！原來上次計錯數，所有材料份量都加大一倍，唯獨係橄欖油份量唔記得加大，即係話只係用咗正確份量嘅一半，你話係咪死得呀，仲拎咗俾人食㖭，真係救命呀！！！！

 

 

今日新整呢啲就無事喇，打醒十二分精神提自己嘛！而且

有過前幾日嘅經驗，蛋糕表面可以做到無一層白粉，

但始終個邊緣都係好黐模，攪到脫模時好多

蛋糕邊位都係爛，究竟係咩原因呢！？