值錢的薯角

        早排到快餐店食嘢，叫了個下午茶餐豬扒包，見到加多 $4 配香辣薯角，諗住加多少少錢可以食飽少少，點知到見到個餐時就呻笨囉，幾件薯角仔都唔知夠唔夠攝牙罅呀！！用 $4 自己買薯仔整，食到好多喇！

 

 

查實自己整一啲都唔難，又唔使開油鑊炸，撈好哂油，

放上烤盤，再灑上適量香料就可以入爐焗，

之後就可以做其他嘢等出爐喇！

 

 

 

 

 

 

嗱，呢幾件薯角就值 $4 㗎喇！！喺香港出街食嘢，

其實好大部份錢都係幫餐廳交租！！

 

自家出品絕對唔會遜色，一樣做到外脆內腍，而且辣椒粉

用量又可以因應自己口味調節，怕熱氣咪連埋

沙律菜一齊食囉，夠哂健康呀！ 

        有興趣自己整薯角嗎？大家可以睇番《番茄醬肉丸伴香辣薯角》，裡面有食譜呀！