夜香花

        今朝去到街市時，見到勁多人，比平時特別旺，好多檔口都做到唔停手，又有一、兩檔菜檔直情無哂嘢賣，提早收檔。我幫襯開嘅菜檔都好似賣完賣剩咁款，後尾先知原來天文台講咗今晚會改掛 8 號風球，唔怪得之街市咁墟冚啦！

 

        其實都唔係好明點解次次打襯風啲人都咁鬼緊張，好似就快飢荒無得食咁係咁搶，攪到啲檔主同職員做到黑哂面、發哂脾氣，查實依家情況都唔會好似以前細個嗰陣時咁 "物資短缺" 啦！

 

 一早諗定今晚滾夜香花冬瓜湯，N 世無買夜香花，

都唔知原來夜香花變得咁值錢，呢度細細

包已經 $8，食完呢次都唔會再買！

因為我唔會落肉滾湯，所以我就加咗味噌落去調味。

 

再整多碟紅咖喱雜菜㖭！