全麥粉 biscotti

        上星期老表不斷打電話俾我，又問呢樣又問嗰樣，原來條友仔鬼死咁勤力喺度玩烘焙，一係唔整，一整就整成三樣嘢，包括 muffin、scone 同麵包，由晏晝兩點幾整到天黑，呢位懶惰姑娘真係估佢唔到。雖然佢好少整，但呢次三樣嘢都算不過不失，起碼食落口都唔難食，個 scone 仲係第一次整㖭，合格有餘喇！

 

        見佢整得咁開心，我嗰日放工返到屋企都仲要做幾粒鐘清潔，即使個人已經好攰，都要開爐玩吓，整個至簡單嘅 biscotti 就最啱喇！

 

 

因為用咗少部份全麥粉去整，所以顏色唔使焗好耐都已經

好靚，加埋七彩顏色嘅糖漬雜果皮，賣相好吸引。

用個密實盒裝住，慢慢食都唔怕變壞，尤其依家

天氣咁乾燥，分分鐘擺幾個月都無事。

      Biscotti 食譜及做法請參考《迷迭香紅莓乾意式果仁脆餅》。