希臘乳酪製作方法 Homemade Greek Yoghurt

        之前整豆漿乳酪時，咪話明白點解有啲食譜會加粟粉，而且絕大部份人都會加工成希臘乳酪，都係因為成品比較稀，質感欠奉，所以我都嘗試將佢製成希臘乳酪。

 

       呢個希臘乳酪製作方法並非只係適合用豆漿整嘅乳酪，傳統用牛奶嚟整嘅乳酪都可以同樣加工㗎！

 

 

咁嘅質地先似番啲樣嘛！！

 
 
 
 
 

要製作希臘乳酪其實都好簡單，只需將咖啡濾紙、

抹手紙或煲湯袋放入篩內，然後用任何容器

承托住個篩，將乳酪倒入，加蓋蓋好，

放入雪櫃讓液體慢慢濾出即可。

 
 
 
 
 
 

當乳酪過濾到自己認為合適嘅濃稠度時就 OK 㗎喇！

 

過濾出嚟嘅液體係乳清 (whey)，但豆漿乳酪過濾出嚟嘅又

係咪同樣叫法我就唔太清楚喇！乳清內同樣含有乳酸菌

同益生菌，同時亦含有豐富乳清蛋白及氨基酸，

非常之有營養價值，所以千祈唔好倒咗去呀，

可以用佢嚟整包餅糕點，或者直接飲用

都可以，味道有點似飲用果醋。

 

過濾好嘅乳酪就係希臘乳酪喇！你睇，即刻變得非常 creamy，

充滿質感。做好之後記得留番起少量做種，咁下次再整時

就可以用嚟做起種喇！如果長時間都唔會整的話，

可以先放入冰格保存，到用時放回下格

解凍就可以，菌種照樣工作㗎！

將香蕉及溫室青瓜切粒，加入希臘乳酪拌勻，加少量

自家製 marmalade 調味，再加上 cereal，

就係我今朝嘅健康早餐喇！