今日又整 biscotti，皆因 Lily 自從屋企有咗光波爐之後都開始試玩烘焙，之前已經試過用預拌粉整 muffin，跟住又話要整佢嘅至愛 biscotti。大家都知我一向都咁好人㗎啦，當然會先 guide 住呢位自稱為地獄廚神嘅老表實習一次啦！
你哋睇，成品賣相都唔差㗎！
麵糰做形時就差少少喇！
哈，估唔到做起嘢上嚟都有板有眼喎！
今次用咗好多料呀，包括橙酒浸杏脯、杏仁、合桃、腰果同山合桃，
仲有橙皮茸、檸檬皮茸同迷迭香。
食譜請參考《迷迭香紅莓乾意式果仁脆餅》。
今次又係用番意大利傳統無油配方嚟整哦！
有大師傅出馬教路,...梗係無問題喇！
回覆刪除[版主回覆01/21/2013 11:19:49]嘩，咁又唔好咁講，我受唔起呀！
預拌粉係乜東東,我買了個P仔新麵包機送了二包比我,死火啦,要點用架?
回覆刪除如果無整過又可以整到咁掂,呢個師傅好大功勞呀,我成日想有人伴著教我整,馬太係度時我會去她家現在她人不在,我乜鬼都唔識整無鬼用.
[緊張大師-小女人回覆01/24/2013 11:33:14]好實用如果唔係點可以放咁多野,簡直勁呀
[版主回覆01/22/2013 15:38:22]公屋都可以好大㗎喎，我見過有大單位真係好大、好實用㗎！
[緊張大師-小女人回覆01/22/2013 07:27:44]係呀,我間屋無得拍細得可憐....公屋係咁,但我朋友來一次就話我間屋點解大左,哈哈我會變戲法嗎?但我好懂收拾家居所以咁細既單位都可以有咁大既空間..係咪好叻呢???咔咔咔
[版主回覆01/21/2013 19:59:48]咁都睇得出我間屋好大！？
妳又作死定喇！
[緊張大師-小女人回覆01/21/2013 14:32:58]哎呀,我真係以為你講真架,我行得走得一定去,我見你換書櫃時間屋好大喎起碼大過我間啦,咁有你教我點做仲唔正斗咩.我成日都見到你四萬個樣無乜驚訝....
[版主回覆01/21/2013 13:01:42]講簽咋嘛，你睇唔到我笑到四萬咁咩！
[緊張大師-小女人回覆01/21/2013 12:19:05]咁都要等我痊癒先可以,現在唔去住,我應好快好番,但腰背仲係痛點算,磁力共振就無壓住神經線喎,我要去問下治療師點搞才行
[版主回覆01/21/2013 11:25:09]預拌粉即係嗰啲乜鬼材料都一早混合好哂，妳只需加油、蛋同水攪拌就攪掂嗰類 BB 班手作仔囉！
唏，妳入嚟鄉下搵埋我一齊整咪得囉，反正妳有車方便出入！
呢個我都會再試⋯如果有大師監埸應該會好D
回覆刪除[版主回覆01/21/2013 11:22:14]妳重金禮聘 Motonako.A 過去幫妳監場啦！
放心喎，其實真係唔太難，我覺得仲易整過好多曲奇呢，失敗機會好低，有信心就得呀，加油！
呢個要焗兩次, 我怕麻煩, 好少整
回覆刪除[版主回覆01/21/2013 12:59:24]都唔太麻煩啫！我最鍾意整無油食品，因為之後清洗用具快好多呀！
前幾日在麵包工場第一次整咗成公斤呢個, 拌到手都軟, 以後都記得呢個叫Biscotti
回覆刪除[版主回覆01/26/2013 19:42:15]工場唔係應該有機攪咩？
咪當係減 bye bye 肉囉！
ｂｉｓｃｏｔｔｉ 我點都會整一次，配咖啡一流。多謝分享。
回覆刪除[版主回覆01/26/2013 19:43:41]係呀，真係好夾！
快啲的起心肝整啦，唔難整㗎！