2013年1月24日星期四

甜酸醃菜

最近學識咗整醃酸菜,原來勁簡單,幾乎可以話係無乜功夫可言,只係洗洗切切。整呢個甜酸醃菜最緊要就係校啱個醃汁材料份量比例,絕對係零失敗!

對於我呢個每餐不可缺菜嘅人嚟講,識整醃菜真係好方便,如果放咗工返到屋企無時間煮飯,之前又無煮落隔夜餸的話,開罐罐頭,加碟醃菜就攪掂,雖然唔係新鮮蔬菜,總好過無菜食呀!都係一餐半餐係咁啫,將就吓啦!










材料:
白醋   8
糖   6 份
鹽  1 份

- 將以上材料攪拌直至糖同鹽都完全溶解即可。

- 之後將自己鍾意用嘅蔬菜洗乾淨,再用乾淨飲用水過一過水、瀝乾。

- 將蔬菜放入醃料內攪拌均勻,然後倒入一個密氣玻璃樽內。

- 一個鐘頭後再攪拌一次,確保所有材料均勻入味。

- 醃一至兩日後就可以食用。





喺密氣樽內,可以長時間保存,唔需要放入雪櫃。








呢次我就用嚟炒雞柳,又係追尋兒時味道哦!以前去嚫舅父屋企
食飯,舅母都一定會煮呢味餸,唔知係咪因為諗住味道
甜甜酸酸,實啱細路食呢!








Notes
- 適宜選用較少水份蔬菜嚟做醃菜,可避免過多水份滲出溝淡醃料。

- 如果鍾意的話,可先將蔬菜用小量鹽略醃,逼出多餘水份後再清洗去鹹,之後再放入醃料內。

- 鍾意食辣嘅朋友可以加入紅辣椒。

6 則留言:

  1. 呢個唔啱我呢
    [版主回覆01/26/2013 20:30:09]喚!咁整甜菜囉!

    回覆刪除
  2. 我鐘意呀,食左好開胃,而家都流緊口水啦。
    [版主回覆01/26/2013 20:31:21]咁妳都試吓整啦!

    回覆刪除
  3. 睇見就開胃 !
    [版主回覆01/26/2013 20:30:48]直情口水都即刻流埋呀!

    回覆刪除
  4. 8份...6份...咁即係幾多唧????
    [版主回覆01/26/2013 20:35:24]咪即係 8 碗同 6 碗、8 匙羹同 6 匙羹、8 杯同 6 杯、8 克同 6 克、8 oz 同 6 oz、8 斤同 6 斤、8 噸同 6 噸、8 嘜同 6 嘜…………比例咋嘛,睇妳用咩單位囉!

    回覆刪除
  5. 緊張大師-小女人2013年1月27日 上午10:20

    多謝老友我呢排成日見到個個都整你都整了我都唔好客氣啦,我昨天剛做了二樽檸檬醬,現在不但老公愛連我媽媽都讚不了,吃到停唔到昨晚來吃飯又帶一樽食啦.媽媽還買了菠蘿要我整醬比佢食,亞媽好懂食呀,她跟了我老公口味後就十分懂吃...超cool的媽媽,又要多謝你的好介紹要不是我都不可以氹到家人咁開心呢.你呢個醃菜老公未必鐘意但媽媽愛爆啦
    [緊張大師-小女人回覆01/28/2013 11:13:26]係呀,lemon curd 最受歡迎,天天焗方包咁可以塗來吃,媽媽大愛呢個甜酸醃菜架
    [版主回覆01/28/2013 01:51:20]唔好客氣啦,都係同大家分享啫!
    乜妳全家人都咁鍾意個 lemon curd 呀!?
    咁妳整呢個甜酸醃菜俾妳媽媽歎啦!

    回覆刪除
  6. 酸酸的醃菜我like
    [版主回覆02/17/2013 01:08:12]咁妳有冇試過自家醃製呢?

    回覆刪除