好耐都無整 bagel 喇，今次又係用番《麵包教科書》個食譜嚟整，不過今次加多咗啲黑芝麻，想個包食落多種口感層次之外，仲多咗份芝麻香㖭！
今次個麵包就夾埋生菜、番茄、煎火腿同煎蛋，好豐富哦！
個個都焗到金金黃黃，可惜好似老人家咁縐哂皮呢！
加一碗周打蜆湯，就係我噚晚嘅 dinner 喇！
食譜可參考《猶太麵包配蜜糖藍莓忌廉芝士醬》，高筋麵粉改為法國麵包粉，另加炒香黑芝麻 10 克。
與 blog 友交流煮食心得，分享生活點滴。
個個都焗到金金黃黃，可惜好似老人家咁縐哂皮呢！
加一碗周打蜆湯，就係我噚晚嘅 dinner 喇！
食譜可參考《猶太麵包配蜜糖藍莓忌廉芝士醬》，高筋麵粉改為法國麵包粉，另加炒香黑芝麻 10 克。
等我都試吓整先
回覆刪除[版主回覆08/31/2012 23:55:26]試試難，一啲都唔難㗎！
點解叫猶太包呀？做呢d嘢又要水煮又要焗，好多功夫
回覆刪除[版主回覆09/01/2012 00:01:04]吓，bagel 真係猶太人嘅傳統麵包嚟㗎，有包書真係咁譯！
唔算啦，發酵時間又相對縮短好多，如果鍾意食煙煙韌韌包質的話，呢個實鍾意㗎！
個樣好得意。
回覆刪除[版主回覆09/01/2012 00:03:48]妳未見過 bagel 嗎？
我睇番你上次既做法 :麵糰放入熱水內浸 30 秒，反轉再浸 30 秒，盛起，瀝乾水後放回烤盤上。嘩,呢個部驟有點難度呀?
回覆刪除我勁愛bagel我在中環上班時,由那電動梯級上去有間西餐店好多不同款的bagel賣,我天天都去買二個加一盒沙律,超好味又好飽.但仲好貴添.不過係值的,你可以整到咁靚,但我睇完之後無想過要整.....怕怕呀
[緊張大師-小女人回覆09/04/2012 18:15:39]我太直啦,做人太直係咪好架,但我又唔想講假,如果唔好吃我只會唔講,呢個係我....
[版主回覆09/02/2012 19:43:17]妳唔好講客氣說話啦，妳咁講，到我真係請妳食時，妳真心讚賞我都怕妳係唔敢講真話呀！
[緊張大師-小女人回覆09/02/2012 16:08:56]吓~有人整埋我仲會嫌棄,一定唔會一定唔會.....好期待呀
[版主回覆09/02/2012 13:53:21]好，無問題，如果妳唔嫌棄我整得樣衰兼難食的話！
[緊張大師-小女人回覆09/02/2012 09:47:38]你係高手一定唔難啦,我齋係度想個做法都覺得有困難,嘻嘻~
我忘了名字呀,成十年前我在律師事務所上班去過到現在都無去過啦,只是我天天都去買來吃,實在太好食啦,.我可否等你下次整請我食呢?
[版主回覆09/01/2012 00:05:33]有咩難度呀？浸熱水同反轉都有難度！？
中環邊間餐廳呢？
澳洲無呢隻包，
回覆刪除[版主回覆09/04/2012 14:13:15]係？乜唔係全球周圍都有得賣㗎！？
wah bagel 都做埋...勁!
回覆刪除[版主回覆09/04/2012 14:13:31]Bagel 唔難整喎！
我好鍾意食bagel ga,係街唔會成日都見到有。
回覆刪除我都好想學ar
[版主回覆09/04/2012 14:14:42]妳講得無錯，街外真係好少見到有得賣！
快啲整啦，唔難整㗎，何況係妳心頭好！
好靚o己比高啊。
回覆刪除[版主回覆09/06/2012 03:35:11]多謝！
整得好靚呀
回覆刪除[版主回覆09/06/2012 03:36:29]嘩，比起妳大師之作，我呢個簡直係蚊髀牛髀啦！
成日覺得川水果陣好易整到個包變形!
回覆刪除[版主回覆09/17/2012 11:51:36]點會呢，慢慢將個包放入，之後用個篩勺輕輕力翻轉就得。