和風豆腐沙律

又嚟整沙律喇！今次試吓自己攪攪陣，整個日式風味嘅沙律先。

 

材料：

豆腐

青瓜

中華沙律

酸子薑

木魚花

 

沙律汁：

日式柚子醋

日式芝麻醬

浸子薑醋

 

- 豆腐汆水，瀝乾後切粒；青瓜洗乾淨後開邊、去瓤，然後切粒。

- 沙律汁材料全部混合好。

- 將所有材料拌勻，之後再淋上沙律汁。

- 灑上適量木魚花，拌勻後即可享用。

準備好哂所有材料。

加埋沙律汁，一撈就食得！味道夠哂清新，最啱依家天氣咁熱嘅時候食。

Notes：

- 中華沙律即日式醃製海草，於日式超市或大型超市有售。

- 宜用實豆腐製作沙律，避免攪拌時將豆腐整爛。

- 調掣沙律汁時最好邊調邊試味，找出最合自己口味嘅份量比例。

- 如果想自製日式芝麻醬的話，請參考《自家製日式芝麻醬》。