2014年4月14日星期一

懶得就懶

        自從買咗麵包機之後,真係懶得就懶,反正我對食都唔係太講究,所以少咗整包放入爐焗,預校時間等部機整多士出嚟填飽個肚就算!
 
        睇番隨機附送食譜,原來如果由搓麵糰、發酵到烤焗,全程都用機整的話,最好就係跟足隨機食譜材料份量,否則會有失敗情況出現。最近就跟食譜試整咗個米飯麵包。
 
 
 
由於我係習慣食三色米,所以飯粒比較易食得出,尤其係
紅米飯粒,焗完之後變得好煙韌,好有口感,
而麵包表面紅米飯粒就焗得比較乾身,
食落有少少似果仁,幾特別。

 




一片搽咗南瓜橙醬嘅多士,一碗新鮮蔬果沙律,
再加一杯咖啡,已經係一份豐富午餐!


8 則留言:

  1. 水太太最近都狂用面包機整包包呀,真係好方便﹗
    係呢,個南瓜橙醬係自製的嘛?

    回覆刪除
    回覆
    1. 咁我又無狂用咁誇張,因為唔係日日食,而且一嚿麵包都要分三餐先食得哂!

      係呀,妳 click 條 link 就去到嗰頁呀!

      刪除
  2. 你話自己食野唔講究? 你連南瓜醬都整埋配飽喎!

    回覆刪除
    回覆
    1. 呢個醬係之前整落嘛,咁咪隨手拎嚟搽麵包囉!

      身邊朋友個個都知我最唔識食,食得落口就食,所以佢哋都知道連我都話難食的話,嗰樣就真係超難食㗎喇!

      刪除
  3. 回覆
    1. 我食嘢多數少肉多菜,仲要係最好自己整,所以親友見到我煮即食麵會好出奇,哈哈!!

      刪除
  4. 沒時間時又或懶時用麵包機的確好幫手啊!

    回覆刪除
    回覆
    1. 係呀,真係超方便!

      係呢,Allie,我有事想請教妳呀!我今日喺書局度睇過妳本麵包機食譜,有時會第一次發酵完成後就拎出麵糰做形或包餡,之後再放番入去焗,對嗎?應該無老人癡呆記錯啩。
      咁想問問,麵包機都只係發酵一次咁多,咁所謂第一次發酵係咪即係指僅有的一次呢?拎出麵糰時,部機係咪維持開機狀態呢?個內膽可以係開機狀態下拎出嗎?

      唔好意思,太多嘢問呢!謝謝!

      刪除