新鮮迷迭香

       禮拜一喺大角嘴教完琴之後，要趕喺八點鐘之前到旺角政府合署交啲文件，落堂時都已經七點零鐘，所以都好趕，一直急急腳無停咁行，加上天氣又熱又濕，真係趕到身水身汗，所以交完文件之後就走咗過去「新世紀」度 “過冷河”！

       入到商場就直接走去「一田」超市歎冷氣兼睇吓有無米麴賣，其實都預咗佢無得賣，因為旺角店面積都唔係好大。反而行到放蔬菜個雪櫃時，見到有新鮮香草賣，而且仲好新鮮，我立即睇中咗 rosemary，賣 $30 / 100g，比起「City Super」價錢唔算太貴。

 

呢度一大紮都只係賣 $9.6，記得之前喺「華記」都見到有得賣，

款款 $10 紮，都係咁上下大細咋！依家仲方便啦，唔使

過銅鑼灣時要喺中環中途落車走過去買！

 

 

 

 

 

買到新鮮嘅 rosemary，當然即刻用嚟整 foccacia 啦！

比起用乾貨，新鮮香草味道真係出好多！

麵糰發酵好之後插入迷迭香時，我覺得好好玩，

好似喺塊田度插秧咁呀，呵呵！！^^

我拎咗兩枝細嘅斷枝去浸水，睇吓可唔可以浸到生根，

如果可以的話就試吓種唔種得成先！