老黃瓜粟米豬橫脷湯

        呢排天氣又熱又濕，攪到個人就身都唔自在，仲會成日覺得好攰、好眼瞓，所以要飲多碗袪濕湯先得！

 

        炒扁豆、赤小豆煲老黃瓜最啱，不單只可以袪濕，仲可以清熱解暑，加粟米一齊煲的話，記得連埋粟米衣同粟米鬚一齊煲，利水利尿，好過特登走去藥材舖買啦！

 

材料：
炒扁豆
赤小豆
乾土伏苓
老黃瓜
粟米
豬橫脷

- 豆類洗淨後用清水浸過夜；土伏苓用清水浸軟後洗淨。

- 老黃瓜洗刷乾淨外皮，開邊後去瓤；粟米洗淨切件，粟米衣及鬚留用。

- 豬橫脷切去底部白色物質，洗淨後切件。

- 土伏苓、老黃瓜、粟米連衣及鬚凍水落煲，水煲滾後落豆。

- 水翻滾後轉中慢火繼續煲，煲好前 5 分鐘加人豬橫脷，落鹽調味。