一直以嚟我都係去超市買熟香蕉，一來貪佢平好多，但最重要係，買咗返屋企只需擺一、兩日就已經起哂梅花點，隨時可以攞嚟食或整糕餅，唔駛有排等，好方便！
前幾日買咗梳蕉都幾熟，我已經精 o架喇，返屋企即刻吊起佢，減慢佢嘅熟成時間，點知老竇前日起身出客廳時，見到有兩隻蕉熟到跌咗落地下，其餘嗰啲都搖搖欲墜，咁咪即刻食都食唔切囉！但係一次過兩個人又點可能食得哂咁多呢？咁我咪用咗嚟整嘢食囉！
首先整咗我嘅至愛：香蕉燕麥條。今次焗得非常成功，
又金黃、又唔會散開。
今朝起身就整埋個肉桂香蕉雪芳，清哂所有香蕉喇，安樂哂！
食譜請參考香蕉乾果仁燕麥條及椰子香蕉雪芳蛋糕。
我都整過燕麥棒, 不過梗係走蕉啦....點整都好食架..又飽肚..正正....雪芳好靚仔喎...我從來都冇焗過..冇窿窿模...
回覆刪除[版主回覆12/05/2011 19:37:13]唓！
[毛豆回覆12/05/2011 19:06:40]我知呀，我懶之嘛^Q^
[版主回覆12/05/2011 18:35:47]有蕉可減油減糖嘛！我多數當甜品食哦！…… 焗雪芳唔一定要用雪芳模，我用普通模整過都OK o架！
兩樣都整得好正喎！
回覆刪除[版主回覆12/07/2011 17:05:36]嘩，P 姐妳讚到我有少少唔好意思o添，呵呵！
呢個麥條可以當零食噃
回覆刪除[版主回覆12/07/2011 17:04:47]無錯，我當係飯後甜品食o架！
自製燕麥棒可減少糖......食得安心D^^
回覆刪除[版主回覆12/07/2011 17:04:08]係呀，無咁魔鬼呢！: )
想試個香蕉燕麥條呀.......
回覆刪除[版主回覆12/12/2011 17:53:59]整燕麥條就最易啦，撈埋哂入爐焗就攪掂。
[Motonako.A回覆12/08/2011 16:12:55]想自己整呀...去睇吓個譜難唔難先！
[版主回覆12/07/2011 17:03:32]妳係想試吓我嘅出品定係想試吓自己整先？如果係唔想整又有得食的話，咁妳隨便拎啦！
嗰香蕉麥條好吸引呀^^
回覆刪除[版主回覆12/07/2011 17:00:56]好食o架，又唔難整，妳都試整啦！
香蕉燕麥條正喎, 等我試吓先.
回覆刪除[版主回覆12/09/2011 13:52:33]咁快啲整啦！