節日 cupcake

        我一向對聖誕節呢個節日都無乜太大感覺，從來都唔會 “瘋狂” 慶祝，最多都係以前同家人一齊去睇燈飾，自從皈依咗之後就更加無感覺，就當係平日一樣。

        不過，呢個始終係一個普羅大眾嘅節日，尤其係小朋友，就更加鍾意呢個節日，所以我都特別整咗一啲小 cupcake 送俾我啲小朋友學生，氹吓佢哋開心啦！

喺牛油蛋糕上抹上黑 / 白朱古力，之後再貼上糖花就攪掂。

因為蛋糕紙模太細嘅關係，用唧袋將麵糊唧落去會方便好多。

今次啲蛋糕焗得幾滿意，粒粒都好金黃。

整白朱古力比起整黑朱古力麻煩好多，好似 “叮” 極都唔係好溶，
而且又快凝固，所以抹上白朱古力時比較吃力，
睇個樣都見到樣衰好多！！

 

 

 

包裝好入袋就可以送俾學生喇！