今晚整咗個好耐無整嘅蛋糕，就係經典朱古力蛋糕喇！我都幾鍾意食呢款蛋糕，鍾意佢朱古力夠濃、勁 rich，食細細件已經好滿足。
今次呢個經典朱古力蛋糕係一個 cross-over 版，睇唔睇得出佢同邊款蛋糕cross-over 呢？之唔係 brownie囉！
面頭灑滿哂合桃碎，同 brownie 真係有幾分似 o架！
今次個蛋糕除咗灑滿合桃碎之外，仲用咗橄欖油代替牛油 o添，
食落口無咁漏，比較清爽。
蛋糕裡面依舊咁濕潤、咁香濃，正到無朋友呀！！
與 blog 友交流煮食心得，分享生活點滴。
似 brownie 我就嘛嘛哋喇！不過我兩個大帝超 like 朱古力架.....整兩件嚟好噃！
回覆刪除[版主回覆11/22/2011 14:11:37]係啦，我表妹話就算唔批，嗰千幾蚊都係無得俾番，真係未見官先打30大板呀！……我呢啲 "自僱人仕" 無公司信，又無隱定收入，年紀又尷尬，實唔會批o架，所以我要等退休先過到嚟o架！
[Motonako.A回覆11/21/2011 15:30:44]係咪好囉....慳番千零蚊過嚟請我食大餐喇! hahaha....
乜要簽証你就唔嚟得咩?
[版主回覆11/21/2011 14:57:47]呢個唔係 brownie o架，係 classic chocolate cake，得 10g 麵粉 o架咋，主要靠蛋白霜撐起成個蛋糕，我話似 brownie 係因為灑滿合桃碎啫！……Btw，睇報紙講話特首同希拉利傾談港人免簽證到美國，唔知係咪落實到呢？如果係的話，我就有機會過美國喇！
好吸引哦. 流口水啦.
回覆刪除[版主回覆11/21/2011 15:26:04]唔駛流口水，妳自己整咪有得食囉！呢個都唔難整o架！ : )
點解要加 [經典] 兩個字嘅? 係咪你個人經典作品呀? ^^
回覆刪除[芹菜回覆11/24/2011 14:23:40]係喎 ! [經典] 個法文名係 classique ?!
[版主回覆11/22/2011 14:06:24]嘩，芹姐姐，乜妳咁睇得起我呀？我何得何能呢！^^"妳睇番個法文名，個蛋糕原本就係咁叫o架，有人會譯做 "古典朱古力蛋糕"。
好有層次....
回覆刪除[版主回覆11/23/2011 17:00:02]大師即係大師，唔駛食，淨係睇都知道其內餡，讚！不過可能睇相係咁，食落口又係另一回事哦！ Wakakakakaka
[yvonne yycake回覆11/23/2011 11:10:58]口感好有層次...加了果仁,食落脆口,內裡又軟軟的,你話唔係嗎???
[版主回覆11/22/2011 23:48:25]真的嗎？從何見得？
嘩..呢個正呀....古典古力我超愛,有條小蠻腰架嘛XDD..再加果仁更加啦...多多都同你吞哂佢..唔係咩呀~~~
回覆刪除[版主回覆11/23/2011 17:02:22]可惜今次整唔到小蠻腰，變咗水桶腰呀！ XD……見妳咁捧場，成個送俾妳又點話呀！
好多果仁好正呀~ 我都好耐冇整呢款蛋糕喇..搵日整吓先
回覆刪除[版主回覆11/23/2011 17:03:27]呢個蛋糕又好食又易做，咁正，唔好搵日喇，"揸揸林" 開工整啦！
咁做法的確香喎, 呢個蛋糕好耐冇整了, 就係因太rich, 用橄欖油, 食落和牛油分別大嗎?
回覆刪除[版主回覆11/24/2011 00:19:30]係呀，焗緊陣已經聞到朱古力同合桃香喇！……你覺得呢款蛋糕太 "漏"？……我覺得用橄欖油整同用牛油整分別唔係太大，只係無咁膩，對於怕食乳製品嘅我嚟講，反而無咗牛油臊味仲易入口囉！
妳終於升級啦?之前找不到妳啊!
回覆刪除[版主回覆11/24/2011 00:26:24]唔係終於，係被迫呀，如果唔係就 update 唔到新 blog，咁想唔升級都唔得啦！……點解搵唔到我呀？好多blog友都有呢個情況，但我又無喎，轉咗新版之後，之前訂閱過嘅 blog 都喺番哂度啊！……下次留言記得用番個 "你" 字而唔係 "妳" 呀，嘻嘻！ ^^