羊年第一攪作

        好耐之前，Winnie 買咗 pack 煲湯袋返屋企，但佢媽咪見到個質地就話同用開嗰隻唔同，一直都無用到，後來 Winnie 就俾咗我，但我都一樣一直無用到，因為睇真啲個質地真係好 “膠”，好驚煲完湯之後成個袋消失咗！！ XD

 

        呢幾日放假喺屋企無所事事，於是又玩吓豆漿乳酪，唏，呢次個煲湯袋大派用場喇！

 

 

用佢嚟過濾發酵好嘅乳酪製成希臘乳酪，超好用！

因為唔單只唔需要加熱，個袋嘅纖維組織

非常之密，過濾效果非常好哦！ 

 

 

 

 

 

 

咁啱老表送我一盒穀物早餐，今朝就用豆漿乳酪嚟拌食，

加埋蘋果同紅莓乾，簡單健康又美味！

 
 
 
 
 
豆漿乳酪製作方法，可參閱《豆漿乳酪》及《希臘乳酪製作方法》。