2015年2月25日星期三

煎紅豆糕

        今年親朋好友都送我年糕及蘿蔔糕,既然都有得食喇,我當然懶得就懶啦,唔自己整喇!不過我都整咗個紅豆糕,貪佢易做又好食嘛!
 
 
 紅豆糕其實蒸好就咁食都得,不過煎香咗
嚟食又係另一番風味,比較香口。
 
 
 
 
 
 
由細到大,媽咪喺初七人日都會煲粥煎糕,我都唔知點解
會咁做,可能取其意頭豐衣足食啩,所以就算
媽咪唔喺度咁多年我都會照樣咁做。
 





反正都開鑊煎開糕,一次過煎兩餐份量,第二日食時
番熱就攪掂,唔使又再煎多次。
 





自從學識咗用雪到結冰嘅米嚟煲粥,真係快手好多,
煲約十分鐘度已經爆哂米花,之後熄火冚蓋
一段時間就有好綿嘅靚粥食喇!





紅豆糕做法請參閱《紅豆糕》。



6 則留言: