驚喜的禮物

        噚日老豆去完街返嚟，拎住袋嘢俾我，話係佢以前個舊同事去完台灣旅行買俾我嘅手信，我當時真係好 surprise，因為我根本都唔識得佢個同事，連見都未見過，完全無諗過會收到呢份禮物。

就咁睇，你哋估唔估到係咩嚟嘅？

 

其實係一支大提琴形狀嘅陶笛嚟 o架！

 

手工好精緻呢！

 

仲有連埋一本陶笛教本教你點樣吹奏。

 

教本內圖文並茂，有教指法及睇譜方法，一定唔怕唔識吹啦！

 

學識點吹之後，教本內仲輯錄咗好多樂譜，先係簡單嘅指法譜，
之後就係簡譜，有理論、有實習，好細心呀！

 

        我收到呢份禮物時真係既驚喜，又開心呀！雖然大家素未謀面，但對方都好有心思為我揀呢份禮物。於是我就問我老豆，點解佢個舊同事會買手信俾我嘅，佢話因為個同事知道佢個仔係學音樂喎，所以就專登揀咗呢件樂器送俾我做手信囉！

        It's really an unexpected gift! Thank you very much to my father's colleague!