2017年3月9日星期四

酵母素調味

        一直以嚟都有人話蠔係屬於素食,所以會用蠔豉去煮齋,但我就將蠔視之為一般海產,所以我唔會用嚟煮齋,即係煮素菜時連蠔油都唔會用。
 
        市面上大部份素蠔油唔單只味道唔似蠔油,我自己就覺得根本本身個味道都唔多好,所以我一直都無用呢樣調味料。有一日,突然間想嘗試用酵母素 (marmite) 去代替蠔油煮齋,前兩日終於試咗,效果唔錯,雖然同樣完全無蠔油味道,但覺得好味過用素蠔油哦!
 
 

呢日我用咗酵母素嚟炒雲耳、翠玉瓜、青尖椒同黑椒素雞扒。






我係用呢隻牌子嘅酵母素,最近睇到劉晉個專欄講呢隻牌子,
喺英國未有瘋牛症之前,係真係用牛肉精華提煉而成,
所以我父母以前係叫呢隻產品做牛肉茶㗎!


 

2 則留言: