今年初二同初三都得閒喺屋企，不過都係嗰句，放假喺屋企仲忙過返工，何解？咪就係匿喺個廚房度做嘢囉！
今年蒸咗三底糕，有鹹有甜，最開心嘅係每底糕都只用咗 20 分鐘就蒸好，你哋唔好以為我蒸咗迷你版嘅糕呀，所以咁快就蒸好，查實係因為用咗真空煲去蒸，真係勁慳柴火之餘又環保。不過就有辣有唔辣喇，因為個真空煲闊度有限，唔係任何形狀嘅模都放得入，想用個長形模蒸就免問喇，除非係細嘅磅蛋糕模啦！
今年蒸咗底素蘿蔔糕，咁就可以用嚟供佛同埋同媽咪分享。
五香臘味芋頭糕就梗要 encore o架喇，因為上年老竇讚好食過街賣嗰啲。
甜糕就整咗黑糖薑汁年糕，味道暫時唔知，食完再同大家分享啦！
我都蒸咗素蘿蔔糕呢！
回覆刪除[版主回覆01/26/2012 22:48:48]諗住蒸素蘿蔔糕咁齋，應該唔會同人撞喇啩，點知都係要同妳撞，真係整定囉！
新年在家蒸糕，全年都步步高升!~
回覆刪除[版主回覆01/29/2012 16:44:28]要承妳貴言呀！
好快手喎 ,廿分鐘搞掂 , 真係慳時慳能源...仲有甜有鹹添...正哂啦...
回覆刪除[版主回覆01/30/2012 23:01:27]係喎，人日都唔得閒上網o添！補祝生日快樂呀！
[毛豆回覆01/29/2012 22:45:50]happy 波乎地呀~~~
[毛豆回覆01/29/2012 22:45:32]我梗係冇啦..係咁易先整幾底鹹既算數...仲要幾年先整一次..計起上黎..你都唔夠我環保呀wakakakkaaka~~
[版主回覆01/29/2012 16:46:57]慳家呢招我最耍家o架啦！……真係慳時又慳能源，周兆祥都要扮個獎俾我呀，哈哈！……係呀，有鹹有甜，咁至正嘛！妳有冇整甜糕？
食咗黑糖薑汁年糕未呀?
回覆刪除[版主回覆01/30/2012 23:02:49]啱啱食咗喇！幾好味，遲少少有時間再打番食譜。