罌粟籽 bagel

        自從買咗麵包機之後，真係好少自己親手整麵包，一來無太多時間容許我慢慢等發酵同焗，二來就係一個字，懶！！臨瞓前倒哂啲材料落部機度，預校好時間，第二朝起身就已經整好，雖然我其實唔多鍾意麵包機整嘅麵包，因為實在太軟熟，唔係我杯茶，但總好過要自己整或出街買 "化學" 包食囉！

 

        早幾日終於的起心肝整番一次 handmade bread，皆因目標人物唔係自己，係 Ernest 婆婆，佢好鍾意食 bagel 㗎！只要係為身邊入而做的話，動力就會大好多，如果只係整俾自己食的話，真係懶得就懶囉！！

 

 

今次啲 bagel 係咪焗得好靚呢？

 
 
 
 
 
 

因為我今次試咗用黑糖水嚟幫個麵糰

汆水，所以顏色咪會深啲囉！

 

 
 
 
 
 

正在第一次發酵當中。

 
 
 
 
 
 

留番起兩個俾自己同老表，用嚟整漢堡，

我呢個就係番薯蓉素黑椒雞扒漢堡。

 
 
 
 
 
 

自己整好過俾幾廿蚊去買個 "自創" 漢堡啦，

根本就係幫人交租同賣廣告！！

 

 

 

 

老表嗰個就係泡菜煙三文魚漢堡。

 

Bagel 做法請參閱《猶太麵包配蜜糖藍莓忌廉芝士醬》。