冷泡咖啡 Cold Brew Coffee

        另一樣近排都興起嘅就係冷泡咖啡，顧名思義，就係用凍水沖咖啡。初時都唔係好信凍水都可以沖到咖啡，原來係起碼要泡足 12 個鐘，將咖啡粉裡面嘅物質慢慢浸泡出嚟，好處係唔會因為水溫、咖啡粉粗幼度、甚至係沖泡咖啡手法而影響味道，所以泡好後嘅咖啡味道會比較醇，比較少酸味同苦味。

 

        由於咖啡粉經長時間浸泡，咖啡因濃度都會相對高好多，所以冷泡咖啡唔可以長期飲用，間中一杯好喇！

 

 

先將咖啡粉與凍水 (份量為 1:16 ) 倒入樽內，

攪拌均勻，加蓋後放入雪櫃保存。

浸泡 12 個鐘後，用濾紙過濾就可以飲用喇！因為

我自己唔慣飲凍嘢，所以會加熱過先至飲。

由於咖啡味道比較醇，唔會太酸或

太苦，唔落糖都完全無問題。