椰菜花飯

        近排好流行椰菜花飯，無論係飲食網頁、電視節目、以至係營養餐單都有提及，因為相比起米飯，碳水化合物少好多，食咗都無咁易增磅，而且簡單易煮，無技巧可言。

 

        早前買咗個巨型椰菜花，一半用嚟煮餸，另一半就試整咗椰菜花飯。

 

 

材料：
椰菜花

調味料：
鹽
黑椒

- 椰菜花切件、切莖，洗乾淨後再切成細件。

- 放入食物處理器內，用繼續攪打方法將之打成細碎狀。

- 燒熱油，倒入椰菜花碎兜炒至略軟身。

- 加入調味料，兜勻即成。

 

 

食得到椰菜花嘅清甜味道，但如果真係長期靠佢

當飯食的話，我覺得都應該唔係咁夠飽肚。

 

 

 

 

 

 

呢餐就配咖喱雜菜一齊食。

 

Notes：
- 如果無食物處理器的話，可以放入一般攪拌機內，加入大量清水攪打至細碎，之後
  過篩瀝乾水份即可。