幫人交租

        趁假期得閒，寫番啲舊料先！

 

        早前同老表到灣仔一間 café 食嘢傾偈，叫咗個煙三文魚三文治伴沙律菜，個 set 包埋杯 cappuccino，盛惠 $78，如果要牛油果的話就要加多 $10。喺香港地出街食嘢真係好貴，俾出去嘅錢其實好大部份都係幫食店交租，真係用於食材上只係佔好少，所以我一向都甚少出街食。

 

        之後隔個禮拜我就動手再整一次個 set，唔單只多咗牛油果，麵包仲係用老表買俾我嘅 pumpernickel，拎我自己呢個 set 出去賣，肯定過百啦，哈哈！！

 

 

我呢個自家製作嘅 set 賣相一啲都唔輸蝕㗎！

自己整又平、又好食、又健康！