各位 blog 友，Happy New Year！！
今朝晨咁早起身要同老表上堂，佢學完走咗之後就當然又走去再瞓過啦，太早喇，都仲未瞓夠！瞓咗大約一粒鐘後就起身整包，冷宮無哂存貨，唔整唔得，否則無嘢食呢！
整 focaccia 就最好，夠快手又簡單，唔使太多功夫。
今日唔知做乜個麵包好有彈性，真係好似雪芳
蛋糕咁撳扁哂都彈番原本形狀，超軟熟。
整好麵包後，煎兩塊素黑椒雞扒，再加埋之前食剩
嘅茄汁焗豆，就係元旦日嘅第二餐喇！
食譜請參考《Gennaro's Focaccia》。
好彩睇到你呢句 "冷宮無哂存貨"
回覆刪除我又要返廚房準備老麵喇....HAHA
咁妳咪要多謝我！？哈哈！！ :D
刪除新年快樂、身體健康！
回覆刪除包包好靚！我都好似你咁，一冇存貨就即刻開工整，開心！
多謝妳呀盧翠兒，我都祝妳新一年生活愉快，日日有食神！
刪除因為我自從學識整包之後，幾乎唔再買街外包食，買埋部麵包機可以預校時間就更加無藉口偷懶，所以無存貨就唯有郁手整先有得食喇！
新年快樂呀！新一年咁快有靚包出爐，2016一定順順利利:)
回覆刪除Happy New Year 艾華斯！！
刪除宅男獨守空房，無嘢好做咪整包囉，哇哈哈哈……… :P
Kestrel新年快樂……呀！
回覆刪除多謝妳呀謙盈媽媽，Happy New Year！！
刪除Kestrel新年快樂……呀！
回覆刪除個包好鬆軟和有彈力喎，好兆頭，2016年一定活力充沛，事事順利，荷包漲卜卜了。
回覆刪除嘩，小月妳講到咁正，希望真係可以承妳貴言呀！多謝小月。 ^^
刪除Kestrel, 祝你身體健康，整多啲包包，順心順意！我屋企部麵包機開咗1機就擺咗係度。
回覆刪除多謝妳 cici！
刪除點解唔再繼續整包呀？
你真係好錫老表呀
回覆刪除我其實對個個人都咁好，只不過唔係個個識欣賞，又或者覺得係應份呢！
刪除我家無乜親戚，老表家比較熟同傾得埋，感情比較好，所以我都盡可能就佢時間囉！