冬至出品

        今日係冬至，我諗好多 blog 友都應該喺廚房忙足一日，準備做節嘅晚飯。我呢，因為得自己一個，所以唔使攪任何嘢，咁啱今日又無工開，但又唔想成日量地同拍烏蠅咁無聊，見呢兩日暖番啲，都係時候搵啲嘢攪吓！

 

        因為聽日會去探媽咪，所以今日就整定啲發糕聽日帶過去，之後仲整咗泡菜㖭，其實啲泡菜都已經食哂好耐㗎喇，不過上次準備整時，發覺包辣椒粉全部變哂一嚿嚿，雖然只係用過好少部份，但都無辦法，變咗都迫住要掉啦！所以唯有等到早兩日出開去尖沙咀時就走去韓國街買過包新嘅，今日就可以整泡菜喇！

 

 

 整咗抹茶發糕俾媽咪，你話係咪路呀，

用番日本粉整就次次都爆得開！！

天氣凍真係唔想攪咁多功夫，又唔想對手一味濕水，所以

今次就用咗 Maangchi 個 easy version 做法，比較

快手。講真，我其實鍾意食即刻整好嘅泡菜

多過發酵好嘅泡菜，因為無咁酸，

不過就無咁有益囉！

 

呢餐韓國餐，除咗有即製即食嘅泡菜之外，仲有韓式青瓜

沙律同蕎麥麵。唔知大家知唔知呢張相嘅亮點係咩呢？

心水清的話就應該發現，我係刻意扮韓國人

咁全部餐具都係不鏽鋼㗎！！ :D

食譜參考：

 

超靚爆發糕

 

自家醃製韓式泡菜

 

偷懶版泡菜

 

韓式青瓜沙律