烘多士 & 水果茶

材料：
方包
香蕉
蒜茸醬
水果茶包       

        一睇就知係懶人餐啦！烘四塊多士加一杯橙味水果茶，咁就係我嘅lunch 啦！

        用咗四塊白麵飽，其中兩塊係搽咗香草蒜茸醬，呢隻蒜茸醬幾 OK o架，係 McCormick 出品，啲味道恰到好處，香得嚟又唔會太濃，焗出嚟金黃色又非常吸引。最重要嘅係佢唔係用牛油做，而係全用大豆油，應該會健康啲，同埋無咗我最怕嘅牛油羶味，可能當初媽咪買番嚟試時，都係因為呢個原因。

        另外兩塊就搽咗啲香蕉茸係面，呢個 idea 係我睇 "都市閒情" 學番嚟嘅，個營養師話樽裝果醬好多時糖份都好高，唔係咁健康，所以佢建議用香蕉代替，一來天然，含豐富纖維素及營養，而且亦有一定 嘅甜度，係唔錯嘅選擇，但係就一定要揀啲熟到起黑點嘅香蕉，如果唔係就會唔夠甜 o架啦！