今朝一早起身過去同 Ryan、Rylie 兩兄妹上堂，教完之後順便喺佢哋住個屋苑街市度買埋餸先返屋企。經過菜檔見到兩款好少見嘅瓜，印象中屋企附近個屋邨街市未重建之前都只係見過一、兩次有得賣，但我自己就真係完全未食過喇！我問菜檔阿姐呢兩款係咩瓜，原來一隻叫水瓜，另一隻就叫做浦瓜，阿姐話可以炒又可以滾湯，見價錢又唔係貴，兩款都係賣 $7 斤，所以各買一隻試試。
講開啲少見嘅瓜，我記得細個時媽咪間中都會買一隻叫白瓜嚟炒餸，好似依家唔見有得賣嘅！？
與 blog 友交流煮食心得，分享生活點滴。
我上次在香港買菜都有蔥送喎。不過就無你送咁多，哈哈！
回覆刪除係囉，其實依家都好多菜檔仲有蔥送呀！
刪除買菜送蔥呢家野，多或少係睇檔主而定，如果在大時大節的話，又可能唔送喎﹗
回覆刪除所以唔可以一概而論，哈哈....
唔會喇，過時過節我都一樣會照買餸，咪又一樣送蔥！唔送蔥嘅菜檔係賣平價蔬菜囉。
刪除買菜送蔥.....都係得你一半咋
回覆刪除水瓜就係無角GE絲瓜
浦瓜 印象中同葫蘆瓜差唔多
水瓜 浦瓜我都好少買，次次行街市 呢兩款都都叫我唔好買佢，唔好食佢......哈哈
我平時去開嘅街市都只係送一棵蔥，估唔到學生住個屋苑街市菜檔會咁寬綽呢！
刪除嗯，乜原來水瓜即係無角絲瓜呀，唔怪得之咁似啦！葫蘆瓜我都未食過喎，擺風水嘅乾葫蘆就用過！ :D
Ghosy Lei，妳係咪去童話王國買餸㗎！？哇哈哈哈哈 ……… =))
我買菜都有蔥送，不過通常都要$10以上，同埋無你咁多囉~~~
回覆刪除哩兩種瓜見過，但唔知咩味又唔識煮，無買過呢，但聽你講完覺得可以一試水瓜:)
咁即係其實好多菜檔都仲有蔥送啦！
刪除兩款瓜都唔差，試食無妨。