與兩老短聚

        見到寫住兩老，咪以為係講緊我媽咪同我老竇呀，我邊有咁好福氣呀！！係老友 Winnie 同老表 Lily 至真。

 

        因為老表即將獻出佢嘅第一次，要公開演奏呀，所以咪特邀老友呢位老師過嚟聽吓佢彈成點囉，順便俾佢實習一下面對人彈琴的壓力。

 

 

簡簡單單，整咗 focaccia、沙律菜同韓式青瓜沙律一齊分享。 

老表學整 focaccia，佢比我更加有心機將個麵糰

平整喺個模內，整得好靚，所以入爐

發酵前佢話要影番張相喎！

 

老表見到個 focaccia 出爐咁靚仔，超開心興奮呀！

 

三人難得聚埋一齊，有傾又有講，

咖啡就當然唔少得喇！

 

Lily 買咗樽魚子醬過嚟一齊分享哦！

 

 

 

 

 

 

佢仲好有心，買咗兩樽松露醬送俾我同

Winnie 㖭，多謝哂老表呀！

 

 

 

 

 

        老表，希望妳真係可以開開心心，順順利利咁完成好呢場大龍鳳啦，講真，我聽見都真係覺得超級麻煩，唔怪得之成日都聽到啲人話為咗攪場大龍鳳而最終變成一場六國大封相啦，我好慶幸我唔會有呢一日囉！！！！