素雜菜湯 & 意粉

                早前睇港視嘅飲食節目《食的秘密》，其中一集節目介紹到港式西餐，原來正宗嘅羅宋湯係用紅菜頭去煲，當由山東傳到嚟香港後，因當時紅菜頭唔係咁易買得到，所以廚師就改用茄膏去增加色澤。

                今次我就紅菜頭同茄膏兩樣都用，所以味道特別濃、特別甜。當然，最重要嘅步驟係先將香料、茄膏、洋蔥等食材用油爆過先加水煲湯，否則煲出嚟嘅湯就唔夠香濃。

飲之前再加即磨黑椒，更加滋味。

其實未煲好湯前顏色係更加吸引，因為

椰菜同西芹都保持到原有綠色。

每次煲嚫雜菜湯，其中一餐我都一定會整成

湯意粉，唔使餐餐都食飯咁悶嘛！