天文數字

        見雪櫃仲有啲秋葵同 1/4 個洋蔥喺度，諗住買包四季豆返嚟炒埋一碟，點知貴到唔捨得買，差唔多貴一倍咁滯！其他蔬菜都要起碼二、三十蚊斤，問勻哂成個菜檔所有蔬菜嘅價錢咁滯，都真係幾得人驚，簡直係天文數字，無樣買得落手，好彩同個菜檔阿姐熟，如果唔係問完哂都唔買的話肯定俾佢 bing2 鑊甘兼粗口問候！！

 

 

最後揀咗樣從未食過嘅萵筍，皆因係冬瓜

之外賣得最平，只賣 $10 斤。

洋蔥、萵筍、秋葵炒埋一碟，加埋豆瓣醬就已經

好好味，而且所有材料都好爽口。

另外早前勁潮濕，自己都做咗個人肉吸濕機，

所以一定要煲番個袪濕湯至得。

炒扁豆、赤小豆、薏米、眉豆、五指毛桃、

紅蘿蔔同粉葛，一於幫自己抽吓濕！