整雪芳蛋糕因為要用多額外一隻蛋白，但我又唔想開多隻蛋，所以我習慣係解凍冷宮嘅蛋白加落去，但因為無整得耐，完全無咗呢回事，所以唯有迫住開多隻蛋！
夾硬開多隻蛋，自然就多咗個蛋黃出嚟，所以就連埋班蘭汁撇出嚟嘅水整咗 pancake；用剩嘅椰漿同整烤雞沙律剩低落嚟嘅金不換就用嚟燜南瓜，一啲都唔浪費㗎！
整呢個 pancake 又玩吓嘢，試吓好似網友整 vegan
muffin 咁加咗少少白醋落去，煎嘅時候果然
發得好犀利，pancake
都變得厚好多。
個南瓜係老竇喺加拿大帶返嚟，好神奇，由佢當時買到依家
已經足足四個月，完全無爛無變壞。不過就唔太好食，
完全無味道，而且個皮好難煮腍，瓜肉已經煮到
腍個皮都仲未得，攪到瓜肉熟過頭！
如果唔講話係南瓜的話，睇到外皮顏色仲
以為係半煮熟嘅青蟹，哈哈！！ :D
Kestrel, 恭喜發財 ! 祝你和你家人新年快樂!身體健康!事事如意!
回覆刪除我話似泰式煮南瓜。^^
多謝妳呀芹菜，好耐無見妳喇！我都祝妳新年快樂，生活愉快！
刪除其實完全係泰式味道哦！
原來白醋可以幫助 ''發''， 我最近睇左個veg朱古力食譜，要落一點白醋，依家知點解了。
回覆刪除係呀，baking powder 遇到酸性物質就會產生化學作用，發得更加蓬鬆，所以好多時整 muffin 都會加乳酪，妳下次都試試。
刪除嘩~放咁耐都得？估唔到呢~
回覆刪除個pancake煎得好靚呀！
係囉，我同老竇講點可能等得到佢返港，佢話可以放好耐，所以先買。
刪除我估就係因為加少少白醋功效！
原來加白醋有咁嘅功効，謝謝分享！
回覆刪除唔使客氣，唔加醋可以加乳酪，我試過一樣掂！
刪除